VFF U20 Tim I welkamem niu Maneja

VFF Unda 20 Tim Maneija, Mr Richard Tatwin. Photo: PVFA

Vanuatu Futbol Federesen (VFF) Unda 20 Pri-skwad we oli stap ko tru long olgeta trening sessen blong olgeta long manis ia long VFF Academy, Teouma i welkamem niu tim Maneja blong olgeta, Mr Richard Tatwin.

Mr Tatwin we i stap olsem Sekreteri Jenerol blong Port Vila Futbol Asosiesen (PVFA) i glad long appoenmen blong hem mo i talem se i luk fowod blong save wok wetem olgeta yangfala pleia blong ripresentem Vanuatu.

Mr Tatwin i no niu long posisen ia. Hemi bin stap olsem tim Maneja blong Senia Nasonal Tim tu long ol pas yia.

VFF U20 tim Maneja i talem se olgeta yang pleia ia oli impoten tumas insaed long kaontri from oli gat wan bigfala fiuja i stap iet long foret blong olgeta.

“Hemi wan gudfala opojuniti blong serem wetem olgeta gudfala yang pleia ia,” Tim Maneja Tatwin i talem.

“Manejmen we i stap i no blong fokas nomo long olgeta skil mo trening blong ol pleia be blong asistim tu olgeta long saed blong mentol helt mo spirijol eksesaes tu. Hemi wan objektif blong soem aot tu wan gud reputesen blong kaontri taem tim i ko ovasi.

“Evri boe oli kam blong pruvum tu se oli save tekem olgeta responsibilti ia olsem wan tim. Oli rili soem aot had wok blong olgeta.”

Hemi mensenem se i gat smol wok i stap iet blong oli pripea long hem bifo oli save ko lo long OFC Unda 20 Wol Kap kwalifikeisen tunamen we i sud tekem ples long Februeri 2021 long Samoa.

(0) comments

Welcome to the discussion.

Keep it Clean. Please avoid obscene, vulgar, lewd, racist or sexually-oriented language.
PLEASE TURN OFF YOUR CAPS LOCK.
Don't Threaten. Threats of harming another person will not be tolerated.
Be Truthful. Don't knowingly lie about anyone or anything.
Be Nice. No racism, sexism or any sort of -ism that is degrading to another person.
Be Proactive. Use the 'Report' link on each comment to let us know of abusive posts.
Share with Us. We'd love to hear eyewitness accounts, the history behind an article.