Olgeta Vanuatu Futbol Federesen (VFF) Nasonal Supa Lik (NSL) semi finol bambae i tekem ples tede daon long Korman Stadium.

Folem wan stetmen we VFF emi kivimaot bambae fes maj emi stap bitwin ABM Galaxy FC mo Ruerue FC emia long 12pm. ABM Galaxy FC nao emi kam blong toppem NSL pul B klasmen mo bae emi plei agensem Ruerue FC we emi stap olsem NSL pul A rana ap.

Sekon maj blong dei emia long 3pm, bambae Malampa Revivors FC, we emi topem NSL pul A klasmen, emi kam blong plei LL Echo FC, we emi stap olsem rana ap insaed long NSL pul B klasmen.

ABM Galaxy FC mo Malampa Revivors FC nao oli stap olsem Oceania Lik (O-Lik) ripresentatif long las sisen we i pas, bambae oli traem bes blong ol blong save qualifae tu iko insaed long O-Lik sisen ia.

LL Echo FC mo Ruerue FC tu bambae oli fokas mo traem evri bes tu blong save kasem wan qualifikisen tu insaed long O-Lik sisen we emi stap kam.

Bambae olgeta maj blong tedei oli sud konfemem tu olgeta tims we pa oli save ko tekpat insaed long O-Lik jampion lik.

VFF NSL emi wan nasonal kompitisen we emi karem tugeta olgeta jampion klabs blong olgeta difren Futbol Asosiesen (FA) tru aot long kantri blong savei jalenj blong kasem wan qualifikisen insaed long O-Lik jampionsip.

VFF emi stap invaetem tu olketa futbol fans truaot long Port Vila blong save kam daon long Korman Stadium mo kam sapotem mo enjoem tu olgeta futbol jampion klab blong yumi long kantri, we oli stap kompit semtaem blong faenem aot jampion klab blong Vanuatu mo VFF ripresentatif insaed long ap kaming O-Lik jampionsip.

(0) comments

Welcome to the discussion.

Keep it Clean. Please avoid obscene, vulgar, lewd, racist or sexually-oriented language.
Don't Threaten. Threats of harming another person will not be tolerated.
Be Truthful. Don't knowingly lie about anyone or anything.
Be Nice. No racism, sexism or any sort of -ism that is degrading to another person.
Be Proactive. Use the 'Report' link on each comment to let us know of abusive posts.
Share with Us. We'd love to hear eyewitness accounts, the history behind an article.