Vanuatu Futbol Federesen (VFF) Nasonal Supa Lik (NSL) Noten rejion /pul A kompitisen emi kik off yestedei long Lugainville Soccer Stadium.

I gat faev tims evriwan we oli tekpat insaed long pul A kompitisen ia mo oli kamaot long ol rispektif Futbol Asosiesen (FA) blong Torba FA, Penama FA, Malampa FA, Sanma FA mo Lugainville FA.

Fes maj we emi bin kik of yestedei emi stab bitwin Malampa Revivors FC (Lugainville FA) mo Ruerue FC (Penama FA). Malampa Revivors FC emi kam blo winim maj ia long 3-2.

Long fes haf blong gem, tugeta saed oli no savei kasem eni poen mo i lukim sko emi stab long 0-0 long fes 45 minit blong gem.

Sekon haf emi kik of mo i lukim Malampa Revivors FC (MRFC) nao emi kam blong sko fes wan tru long Edwin Bae stret long 47 minit blong sekon haf.

Gem emi kam strong bigwan mo i lukim long Ruerue FC kaonta atak, Melkyzedek Gasi emi kam blong equalize stret long 64 minit blong gem. Long 66 minit blong gem, Armando Ravo blong MRFC emi kam blong putum sekon poen blong tim.

Ruerue FC emi no kivap mo emi kontinu blong putum presa mo stret long 79 minit, Gasi emi kam blong skorem sekon poen blong hem insaed long NSL komptisen ia blong equalizem sko lo 2-2. Stret long 90 minit blong gem, Jean Claude Batick, nao emi kam blong skorem wining poen blong MRFC mo semtaem kivim fes win blong MRFC insaed long NSL pul A kompitisen.

Sekon maj emi stab bitwin Police FC (Malampa FA) mo Patvuti FC (Sanma FA). Police FC nao emi kam blong winim maj ia long 4-3.

I gat faev tims evriwan we oli patisipet long NSL pul A kompitisen ia. Waterfall FC nao emi stab olsem representative blong Torba FA.

NSL kompitisen maneja, Bong Shem emi konfemem sei olgeta pul B maj blong NSL bambae emi kik of long 27 Oktoba.

Iwoka FC jampion blong Shefa FA mo LL Echo FC blong Tafea FA oli qualifae finis blong plei long NSL. Bambae wina blong Port Vila Futbol Asosiesen nao bambae emi joenem tufala tims ia long NSL pul B kompitisen.

(0) comments

Welcome to the discussion.

Keep it Clean. Please avoid obscene, vulgar, lewd, racist or sexually-oriented language.
Don't Threaten. Threats of harming another person will not be tolerated.
Be Truthful. Don't knowingly lie about anyone or anything.
Be Nice. No racism, sexism or any sort of -ism that is degrading to another person.
Be Proactive. Use the 'Report' link on each comment to let us know of abusive posts.
Share with Us. We'd love to hear eyewitness accounts, the history behind an article.