VASANOC blong assist lo priperesen tuwods Tokyo2020 Olympic

Vanuatu Tim long opening seremoni blong Pasifik mini gem 2017. Photo: Supplied

Vanuatu Assosiesen blong Sport mo Nasonal Olympic Komiti (VASANOC) i konfem long Daily Sports se VASANOC bambae i priperem tu sam long olgeta athlet blong attendem Olympic Tokyo2020 long yia ia long Japan.

VASANOC we i stap olsem bigfala bodi blong ol sport federesen insaed long kaontri,i talemaot tu se i gat fiu sport disiplin finis we oli selektem long end blong 2020 blong oli save kohed long olgeta trening mo priperesen.

VASANOC CEO, Mr James Malau i talem se VASANOC i kam blong selektem aot olgeta hae pefomens sport disiplin we oli sta pefom gud long olgeta rejional mo intanasonal kompitisen. Hemi konfem tu se bambae oli wok wetem olgeta nara federesen long olgeta priperesen blong ol bifo wan faenol lis bambae i jes kamaot.

Long 2021-2024 bambae i lukim fulap event we bae i tekem ples mo VASANOC i stap pripea blong assist mo sapotem olgeta difren sport federesen blong save kasem tu wan seleksen blong save pefom gud tu long ol kompitisen ia.

Mr Malau i talemaot se olgeta bigfala assosiesen olsem Intanasonal Olympic komiti (IOC) mo Kommonwelt oli redi tu blong save sapotem VASANOC long olgeta eria blong priperesen.

VASANOC i gat wan objektif tu blong save taetem ap mo impruvum olgeta smol smol sport federesen tu insaed long kaontri.

Daily Sports i karem konfemesen tu se olgeta sport federesen we VASANOC i aprojem finis oli sta kohed finis long olgeta trening blong ol.

(0) comments

Welcome to the discussion.

Keep it Clean. Please avoid obscene, vulgar, lewd, racist or sexually-oriented language.
PLEASE TURN OFF YOUR CAPS LOCK.
Don't Threaten. Threats of harming another person will not be tolerated.
Be Truthful. Don't knowingly lie about anyone or anything.
Be Nice. No racism, sexism or any sort of -ism that is degrading to another person.
Be Proactive. Use the 'Report' link on each comment to let us know of abusive posts.
Share with Us. We'd love to hear eyewitness accounts, the history behind an article.