Vanuatu nasonal men's Cricket tim i go long Cricket wol kap jalenj long Malaysia

Nasonal Cricket tim blong ol man I stap redi blong go lo ICC Cricket World kap we bae hemi tekem ples nao long Malaysia start long namba 14 kasem 27 septemba 2019.

Wetem hemi I lukim, VCA (Vanuatu Cricket Association) hemi apoentem Clint Mckay we hemi wan Australian cricketer hemi kam olsem interim coach blong tim blong olgeta boys we bae oli ko representem Vanuatu.

Daily Sports hemi toktok wetem Mr Clint Mckay long wik ia taem hemi talem se hemi fes taem blong hem tu blong kam long Vanuatu mo hemi glad blong save kojem tim ia blong go daon long Malaysia.

Mckay hemi talem se, ”aim blong mi hemi blong winim tunamen ia mo muv I ko long nekis steij wetem skills level mo sakses we olgeta boys ia oli kat.”

Mr Mckay hemi bin plei cricket long ova long 12 yia mo hemi spendem 5 yia wetem Australian cricket tim hemi bin pley plante intenasonal matj wetem wan test matj, hemi bin play tu long United Kingdom mo tu I mekem plante apiarens blong hem tu raon long wol.

Wetem hemia, Mr Mckay hemi talem se hemi wan gudfala opotunity blong save joinem Vanuatu Cricket mo hemi stap lukluk fowod long hem tu ko kasem taem tunamen I finis.

Vanuatu Cricket Association CEO Mr Shane Deitz hemi mekem wan brif toktok blong olgeta boys we bae oli go tekem pat long tunamen ia, mo hemi talem se, trening blong olgeta I stat taem oli kam bak long Samoa mo naoia oli stap lukluk fowod blong wan intenasonal frenly kem (50 over matj) long tete mo long Mande wetem wan tim blong New Zealand we oli kolem olgeta Horowhenua-Kapiti, we oli kasem Port Vila finis long yestede. Ino hemia nomo Deitz hemi adem tu se bae oli ko long wan trening kamp we bae hemi stap nao long Brisbane blong wan wik bifo oli go long Malaysia long ICC Cricket World Cup Challenge 2019 long manis September,hemi olsem pat blong priperesen blong olgeta boys. Deitz hemi adem tu se,”oli bin jenisim ful qualifikesen strakja blong wol kap, so naoia yumi stap long wan hae level we yumi neva bin stap long hem bifo, so tunamen ia hemi blong olgeta tim we oli rang namba 21 mo 32 long wol, so yumi rang 29, so nekis top 2 bae tufala I ko long nekis raon blong kwalifikesen blong wol kap.”

Deitz i mekem lasfala toktok blong hem taem hemi talem se, wetem 5 yia we hemi spendem wetem VCA, hemi aknolejem ol tunamen blong olgeta mo tu sapot blong olgeta parents mo ol fans blong sapotem olgeta boy mo girl, folem hemia hemi wantem VCA blong kipim pefomens mo plei wetem glad heart oltaem blong kantry hemi wan samting we tim hemi stap putumaut oltaem mo tu tim Vanuatu hemi wan long olgeta passionate mo frenliest tim long everi tunamen mo hemia hemi Vanuatu way we ol boy oli hapi tumas lo hem.

(0) comments

Welcome to the discussion.

Keep it Clean. Please avoid obscene, vulgar, lewd, racist or sexually-oriented language.
PLEASE TURN OFF YOUR CAPS LOCK.
Don't Threaten. Threats of harming another person will not be tolerated.
Be Truthful. Don't knowingly lie about anyone or anything.
Be Nice. No racism, sexism or any sort of -ism that is degrading to another person.
Be Proactive. Use the 'Report' link on each comment to let us know of abusive posts.
Share with Us. We'd love to hear eyewitness accounts, the history behind an article.