Tupuji Imere FC (TIFC) bambae i fesem Galaxy FC insaed long Port Vila Futbol Asosiesen (PVFA) Supa Kap gran faenol tedei long Port Vila Stadium.

Fes maj bambae i lukim namba tri ples plei off bitwin Ifira Blak Bird FC mo Yatel FC long 12pm.

Bambae PVFA Supa Kap gran faenol maj i tekem ples long 3pm.

PVFA Supa kap i kam olsem wan opening nokaot tu blong olgeta PVFA 2020-2021 jampionsip we i bin kolo krismas brek.

TIFC mo Galaxy FC we oli ol pul A mo pul B wina bambae tufala i mit long Supa kap gran finol ia.

Maj ia bambae i wan rili interesting maj blong luk afta long VFF Nasonal lik we i jes finis. TIFC we i karem seves blong Azariah Soromon, Alex Saniel mo Jason Tari, bambae oli luk fowod tu blong patisipet insaed long gran faenol maj ia.

Galaxy FC wetem seves blong Bong Kalo, Kency Tangis mo Andre Batick bambae oli luk fowod tu long gran faenol maj ia. Galaxy FC i kam blong karem tu seves blong Lency Philip, we i stap olsem kapten blong Sanma FA long lates VFF Nasonal lik.

PVFA 2020-2021 jampionsip ia bambae i rili interesting from i gat wan inkris blong olgeta difren futbol Asosiesen (FA) long kaontri we i transfe i kam long PVFA.

PVFA i stap apil tu long olgeta sapota mo pablik blong kontinu blong rispeketem olgeta PVFA rekulesen oltaem. Bambae olgeta 2020-2021 jampionsip i sud kik of afta long PVFA Supa kap kompitisen ia.

(0) comments

Welcome to the discussion.

Keep it Clean. Please avoid obscene, vulgar, lewd, racist or sexually-oriented language.
PLEASE TURN OFF YOUR CAPS LOCK.
Don't Threaten. Threats of harming another person will not be tolerated.
Be Truthful. Don't knowingly lie about anyone or anything.
Be Nice. No racism, sexism or any sort of -ism that is degrading to another person.
Be Proactive. Use the 'Report' link on each comment to let us know of abusive posts.
Share with Us. We'd love to hear eyewitness accounts, the history behind an article.