Olketa dei 3 maj blong Oceania Futbol Confedration (OFC) Unda 18 tunamen long Port Vila hemi ko gud long Korman komplex long Wednedei wik ya afta ol tims oli kam blong faet from fes posisen long ol rispektif grups blong ol.

Long fes maj blong dei, Oceania side Tahiti wei hemi bin winim fes maj blong hem agensem PNG lo fes dei blong tunamen hemi kam blong plei agensem European saed, Estonia.

Estonia wei hem tu i winim fes maj blem agensem ol wantok blong yumi long PNG, oli traem blong savei kasem wan moa win blong putum olketa insaed long fes posisen long Grup A mo semtaem blong rijim finol. Fes haf tugeta tim i bin mekem fulap gol opotuniti blong savei tekem wan lid insaed long fes haf blong gem.

Tahiti tim, i bin risivim fulap presa long European representatif tru long fulap kaonta ataks wei ol straeka blong Estonia oli stap mekem. No mata long ol fulap kaonta ataks wei Estonia i bin mekem, olketa difens blong Tahiti oli kivm wan janis long European saed blong savei sko long fes haf.

Tahiti tu i bin krietem fulap janis blong kasem wan poen, bei Estonia tu oli tinktink strong blong distebem olketa tactics wei French side i stab mekem.

Estonia tu, i gat fulap janis bifo fes haf finis, bei oli no savei finem wan rod blong kasem fes poen blong ol. Lo sekon haf blong gem, Estonia #9, Daniel Fedotov, hemi hedem wan naes cross ova bol wei kam long lef wing blong Estonia mo I ko stret insaed long net beh refri hemi disqualifaem poen ya afta wei Fedetov hemi mestem blong ofsaed lo teritri blong Tahiti.

Wetem kaon daon blong time, tugeta tim oli bin aplaem moa ofensif taktiks blong savei tekem wan lid. #7 blong Estonia, Aleksander Iljin, wei hemi olsem yangest pleia blong tim, hemi displayem fulap gud futbol skils blong hem lo foret blong ol crowd.

Iljin wei hem nao hemi tekem Estonia i ko lo penalty sutaot long las gem blong ol, i bin traem fulap janis blong sko bei wetem tu difendas, lo saed blong hem oltaem, oli distebem hem fulap.

Tahiti #12, Tehotu Gitton, hemi krietem fulap janis blong Oceania tim ya blong oli tekem lid, beh difens wol blong Estonia hemi strong tumas blong no savei alawem bol i ko insaed long net.

Wetem fulap presa long tugeta saed, i gat fulap tackle tu wei tugeta saed i bin mekem tru aot long gem mo refri i no weit blong usum fulap yelo kad long ol pleias.

Insaed long 27 minit blong gem, #10 blong Estonia, hemi mekem wan rabis hand takel long Tahiti straeka, Denji Kaiha, lo penalty box mo refri hemi kam in blong awodem wan penalty long Tahiti.

#10 blong Tahiti, Tehauarii Holozet, hemi kam blongputum Tahiti lo kid afta long wan pawaful shut wei kipa ino savei blokem. Estonia hemi no kivap mo hemi kontinu blong mekem sam gudfala janis blong sko bei Tahiti hemi kam blong mentenem difens wol blong hem. Estonia hemi putum fulap presa long Tahiti bei hemi mestem blong equalize kasem end blong gem.

Finol wisel hemi blo mo Tahiti i kam blong bukum ples blong hem long finol lo wan sko blong 1-0.

Sekon maj blong dei i lukim Grup B tims, India hemi plei agensem Niu Kaledonia.

Tugeta tims oli bin kasem ol fes win blong ol long olketa fes maj.

Niu Kaledonia wei hemi wan long olketa top tims long tunamen ya, oli wantem karem fes ples tu long Grup B blong savei rijim finol.

India wei hemi wan long olgeta Asia representative long tunamen ya, oli bin mekem fulap man oli sek taem oli kam blong displei wan long olketa naes futbol gem long Korman complex.

NC #10, Jacques Watrone, wei hemi wan long ol key pleia blong Melanesian tim ya, i bin risivim fulap takel lo fes haf blong gem tru long ol strong difens wei India i mekem blong distebem hem blong savei kritem ol janis blong Caledonia.

Fulap janis wei India i mekem hemi tru long ol saed line blong fil wei i kosem fulap damej long Kaledonian difens. #6 blong India, Vikram Partap, midfilda blong tim, hemi mekem fes poen blong ol long 14 minit insaed long fes haf afta long wan cross ova bol wei #7, Ninthoinganba Meetei, i mekem.

Kaledonia hemi no kivap mo i kohed blong plei wan ofensif gem beh ino savei kasem wan early poen wei oli nidim blong equalize.

Insaed long 37 minit blong gem, straeka blong India, Aman Chetri #9, hemi kam blong putum namba 2 poen blong India bifo fes haf blong gem i finis.

Sekon haf blong gem, Niu Kaledonia hemi plei wan ofensiv geam blong savei kajup long olketa Asian rivol blong ol.

Fulap efot i kamaot long New Kaledonian saed long fes 25 minit blong gem wei i lukim kaledonia tim i mentenem bol fulap taem.

Moa presa hemi ko lo saed blong India beh olketa difens blong hem, oli difens had blong savei distebem tu ol kaonta attak blong Kaledonia. Long 54 minit blong gem, olketa difens blong Kaledonie oli mestem blong defendem #14 blong India, Ricky Shabong, afta i risivim wan naes pass long lef wing blong ol mo savei tajem bol i ko insaed long net mo putum sko long 3-0.

Long 58 minit, India difenda, #12, Gurkirat Singh, hemi kam blong silim win blong tim afta refri i awodem wan penalty wei i lukim wan difenda blong Kaledonia i mekem wan rabis takel insaed long penalty box.

7 minit additional time, i lukim Kaledonia #9, Lues Waya, hemi putum onli poen blong Kaledonia afta wei refri i awodem wan penalty tru long wan rabis takel.

Fulap prerssa tu i stap long India saed beh olketa difens oli alawem wan poen nomo blong ko insaed long gol maot blong ol.

Finol wisel hemi blow mo i lukim India hemi kam blong winim gem ia mo tekem ples blong hem long finol wetem wan sko blong 4-1.

Wetem win ia, bambae India hemi plei agensem Tahiti long finol, Niu Kaledonia bambae hemi fesem Estonia from namba tri ples mo Vanuatu agensem PNG blong faenem ranking blong tunamen ia.

Olketa nexis gems bambae I tekem ples long Satedei 24 Okis, wei bambae i lukim Vanuatu hemi fesem wantok blong hem PNG long fes maj wei bambae i tekem ples long 11am.

(0) comments

Welcome to the discussion.

Keep it Clean. Please avoid obscene, vulgar, lewd, racist or sexually-oriented language.
PLEASE TURN OFF YOUR CAPS LOCK.
Don't Threaten. Threats of harming another person will not be tolerated.
Be Truthful. Don't knowingly lie about anyone or anything.
Be Nice. No racism, sexism or any sort of -ism that is degrading to another person.
Be Proactive. Use the 'Report' link on each comment to let us know of abusive posts.
Share with Us. We'd love to hear eyewitness accounts, the history behind an article.