Tafea FC hemi mentenem lid lo PVFA klasmen

Siaraga FC hemi stap namba 5 long klasmen afta long raon 4 blong PVFA jampionsip. (FB)

Olgeta namba 4 raon blo Port Vila Futbol Asosiesen (PVFA) 2019-2020 jampionsip hemi bin ko gud long las Satedei daon long Port Vila Stadium.

Long olgeta fes maj blo dei, i lukim Galaxy FC hemi kam blo plei agensem Siaraga FC. Insaed lo fes haf, Siaraga FC hemi kam nao blo openem sko tru lo Donald Alick wei hem nao hemi kam blo putum Siaraga FC lo lid insaed lo fes haf blo gem. Galaxy FC hemi gat fulap janis blo equalize beh no savei putum wan poen lo fes haf. Insaed lo sekon haf blo gem, Kensy Tangis wei hemi wan lo ol top skora insaed lo 2019-2020 jampionsip ia hemi bin crietem fulap janis blo sko bei hemi no savei kasem finis wei hemi wantem. Siaraga FC wei lo 2019-2020 sisen ia, hemi kam blo soem fulap long ol niu yang pleias blo hem. Tugeta tims oli bin putum wan gudfala gem blo futbol tru aot lo ful 90 minit blo gem mo i lukim Galaxy FC hemi no savei kam blo equalize gem ia. Finol sko 1-0 lo feva blo Siaraga FC.

Sekon maj blo dei, i lukim Tupuji Imere FC hemi kam blo plei agensem Mauwia FC. Lo maj ia, tugeta tims ia wei oli no kasem wan win iet insaed lo sisen ia, oli traem blo savei kasem wan fes win tu. Tugeta tims oli bin putum wan gudfala gem blo futbol no mata lo rabis weta wei tekem ples las Satedei. Mauwia FC tu i bin gat fulap janis, beh nomo nao, oli no savei draevem bol i ko insaed lo net blo Tupuji Imere FC. Tupuji Imere FC hemi kam blo dominate gem ia mo i lukim hemi kam blo winim maj ia lo wan sko blo 6-1.

Long olgeta las maj blo dei i lukim MG Tafea FC, wei hemi stab topem tebol naia, i kam blo plei agensem Erakor Golden Star FC. Maj ia i lukim tugeta saed i kam blo soemaot wan gudfala gem blo futbol lo foret blo craod wei oli kam blo wajem maj ia. No mata lo rabis weta, olgeta boes oli bin kam blo displei wan gudfala pefomens lo taem ia. Insaed lo fes faev minit blo fes haf, Erakor.G FC hemi kam blo mestem Tafea FC tru lo John Tas wei kam blo ptutm Tafea FC lo lid insaed lo fes haf. Tafea FC, hemi kam blo sitemap fulap janis blo savei kasem wan moa poen bei i lukim olgeta difens blo Erakor FC oli no savei alawem olgeta kaonta ataks blo Tafea FC. Erakor FC tu hemi traem blo equalize insaed lo fes haf tru lo olgeta fulap janis wei i kamaot lo Kalfer Kaltak bei golkipa blo Tafea FC hemi no letem eni bol blo hemi ko tru lo net.

Sekon haf blo gem hemi kik of, mo i lukim tugeta saed tu oli kam blo mekem sam jenis. Tafea FC hemi bin kam blo putum presa bigwan insaed lo fes 15 minit blo sekon haf, blo savei kasem wan moa poen blo putum ol boe tu lo lid blo ol lo fil mo semataem lo PVFA klasmen. Erakor FC golkipa, hemi kam tub lo savei mekem fulap naes pefomens blo stopem olgeta nems olsem Alister Kalip mo Jordy Tasip blo savei faenem wan poen lo las Satedei. Wetem fulap janis mo gud displei blo futbol, Tafea FC hemi traem evri bes blo kasem wan poen blo silim viktri ia beh oli nomo savei kasem win ia. Insaed lo 30 minit blo gem, tugeta saed i kam blo putum moa presa insaed lo fil. Wetem fulap janis mo ol naes gem setap wei kamaot lo Erakor FC, i lukim lo las 15 minit blo sekon haf, Kalfer Kaltak hemi kam blo kivim wan equalize lo Erakor FC afta lo wan dro klosap lo penalty box blo Tafea FC, mo i lukim yangfala talent pleia blo Erakor FC hemi kam blo dribol lo foret blo olgeta difens blo Tafea FC mo i tekem wan pawaful sut wei i lukim kipa blo Tafea FC hemi feil blo rispon lo taem blo putum sko lo 1-1. Lo ol las minit blo gem, tugeta saed I no savei kasem wan moa poen kasem finol wisel. Finol sko 1-1.

Lo olgeta narafala updeit insaed lo PVFA 2019-2020, Ifira Black Bird FC hemi kam blo plei agensem Yatel FC mo i lukim tugeta tim i kam blo kasem wan dro 1-1. Wetem ol updeit ia, i lukim Tafea FC nao hemi topem klasmen i stap.

(0) comments

Welcome to the discussion.

Keep it Clean. Please avoid obscene, vulgar, lewd, racist or sexually-oriented language.
PLEASE TURN OFF YOUR CAPS LOCK.
Don't Threaten. Threats of harming another person will not be tolerated.
Be Truthful. Don't knowingly lie about anyone or anything.
Be Nice. No racism, sexism or any sort of -ism that is degrading to another person.
Be Proactive. Use the 'Report' link on each comment to let us know of abusive posts.
Share with Us. We'd love to hear eyewitness accounts, the history behind an article.