Shefa FA jampionsip i bin gohed gud long Louie Kora Stadium lo Epi Rovo Bay we hemi sapos blong kikoff finis long namba 23 Septemba be i bin pospon mo oli putum blo i kikoff long 25 Septempa we hemi las wiken.

Olgeta tim we oli tekem part long jampionsip ia i kat;

1. Difending jampion, Nuvi FC blo Epi Varsu area, 2. Green Kona FC hemi kamaot lo Epi Varmali area, 3. Iwoka FC hemi kam long aelan blong Emae mo namba 4. Kings FC hemi kam long North Efate Lik. Jampionsip ia i bin kikoff long Sarere last wiken wetem sakses we i lukim long dei 1,11am Nuvi FC hemi pleyem Iwoka FC mo tufala tim i kitkit lo 1-1, 2pm Green Kona FC hemi fesem Kings FC, mo sko hemi stap long feva blong Green Kona FC wetem wan sko blong 4-2.

Day 2 kompetisen hemi kikoff long Mandei wik ia, we i lukim long 11am Nuvi FC i fesem Kings FC mo i win long wan sko blong 2-0, mo lasfala gem i tekem ples long 2pm i lukim Iwoka FC hemi winim Green Kona FC long 2-1.

Naoia we i stap lukluk long leites klasmen wetem posisen we i stap:

1.Nuvi FC 4

2.Iwoka FC 4

3.Green Kona FC 3

4.Kings FC 0

Yestede Tusdei hemi rest dei. Wetem leites klasmen mo posisen blong olgeta tim ia, bae i lukim dei 3 we bae hemi kikoff long tedei bae hemi wan interesting wan mo sem taem bae hemi wan disaiding gem blong Nuvi FC mo Iwoka FC. Gem we bae hemi kickoff tedei we hemi day 3 mo semtaem las dei blong jampionsip, bae i lukim long 11am bae Kings FC bae hemi fesem Iwoka FC, mo long 2pm Green Kona FC bae hemi pleyem Nuvi FC. Wetem olgeta lasfala gem we bae hemi tekem ples tete, bae i kat wan aot long fes 3 fala top posisen ia bae i save kam jampion blong go insaed long sauten rijen nasonal lik 2020.

Daily Post hemi manej blong save toktok wetem Micheal Joseph blong Shefa FA, we hemi stap olsem senia refri long ol gem ia long Rovo Bay, hemi talem se olgeta gem we hemi tekem ples stat long dei wan kasem we bae feanal hemi stat long tedei, hemi wan sakses, wetem gudfala wom weta. Gem ia i mekem hailait long stedium we i lukim i bin fulap gud wetem olgeta sapota we oli kamaot long difdifren komuniti we oli kam blong wajem gem stat long day wan kasem we bae las dei blong jampionsip bae hemi kikoff long tede 11am.

(0) comments

Welcome to the discussion.

Keep it Clean. Please avoid obscene, vulgar, lewd, racist or sexually-oriented language.
Don't Threaten. Threats of harming another person will not be tolerated.
Be Truthful. Don't knowingly lie about anyone or anything.
Be Nice. No racism, sexism or any sort of -ism that is degrading to another person.
Be Proactive. Use the 'Report' link on each comment to let us know of abusive posts.
Share with Us. We'd love to hear eyewitness accounts, the history behind an article.