PVFA Vodafone premia jampionsip fes leg blong kontiniu nekis yia

PVFA eksekutif. (PVFA)

Port Vila Futbol Asosiesen (PVFA) eksekutif i konfem se olgeta PVFA Vodafone jampionsip gems blong 2020 oli stop blong alawem olgeta klab mo ol pleia i save ko spel long krismas mo niu yia holidei.

PVFA CEO, Sowany Joseph i talemaot se long pas faev wik ia, i bin wan bisi wik tu be PVFA i manej blong komplitim fes faev gems blong fes leg blong 2020-2021 sisen ia mo i luk fowod blong kontinu long olgeta last gems blong fes leg mo ol sekon leg maj long Februare 2021.

Mr Joseph i konfem tu se insaed long sisen ia, i lukim olgeta futbol developmen insaed long PVFA i impruv tu mo i wan gudfala saen se futbol insaed long kantri i stap develop mo graduet.

PVFA CEO i kam blong konfem tu se afta long olgeta krisman mo niu yia spel, bambae PVFA i hostem Port Vila Supa kap we bambae i tekem ples long 14 Januari-24 Februeri 2021, bifo PVFA Vodafone jampionsip i kik of.

PVFA i talem tok tankiu i ko long PVFA Presiden long hadwok blong em blong mekem sua se olgeta fes faev gems blong fes leg blong sisen ia oli komplit long pas faev wik ia.

PVFA i wantem ekstendem tankiu tu i kolo evri klab mo ol pleia blong save sapotem PVFA tru aot long pas wik ia mo sisen ia.

Tok tankiu tu i kolo olgeta media mo ol futbol fan mo sapota blong kam sapotem PVFA tru aot long sisen ia mo PVFA i luk fowod blong mitim evriwan long 2021.

PVFA i stap tekem taem ia tu blong wisim evri klab, pleia mo olgeta PVFA futbol sapota wan meri krismas mo hapi prosperes niu yia 2021.

Emia emi lates PVFA Vodafone premia jampionsip PVFA klasmen:

Galaxy FC- 15

Tafea FC- 13

Tupuji Imere FC- 11

Yatel FC- 7

Ifira Black Bird- 7

Erakor Golden Star- 6

North Efate United- 6

Mauwia- 5

Seveners United- 1

Siaraga FC-0

(0) comments

Welcome to the discussion.

Keep it Clean. Please avoid obscene, vulgar, lewd, racist or sexually-oriented language.
Don't Threaten. Threats of harming another person will not be tolerated.
Be Truthful. Don't knowingly lie about anyone or anything.
Be Nice. No racism, sexism or any sort of -ism that is degrading to another person.
Be Proactive. Use the 'Report' link on each comment to let us know of abusive posts.
Share with Us. We'd love to hear eyewitness accounts, the history behind an article.