I gat 2 wik i stap bifo Port Vila Futbol Asosiesen (PVFA) i kik off long olgeta kompetisen program blong hem long Port Vila Stadium.

PVFA i konfemem se Port Vila Supa kap nao bambae i kik off long 16 Jenuari olsem wan open knokaot blong priperem olgeta PVFA rejista klab long premia, fes mo sekon divisen bifo jampionsip lik i stat of long Februeri.

PVFA i talemaot se long Supa kap kompitisen ia bambae olgeta tim oli divaed long tu pat, hemia i long evri divisen mo bambae oli plei raon robin.

Kompitisen ia i kam olsem wan gudfala priperesen tu blong olgeta klab mo ol pleia afta long Krismas mo Niu Yia holidei we i jes pas.

Jampionsip hemi mein lik mekem se PVFA i kam blong stap mekem olgeta open knokaot olsem blong alawem ol pleia blong karem bak ol pawa mo fitnes bifo oli save kontinu long PVFA 2020-2021 jampionsip sesen we i ko lo brek long Disemba 2020.

PVFA i konfem tu se jampionsip lik bambae i kik off long Februeri 2021.

Hemia hemi lates PVFA Vodafone premia jampionsip lik klasmen bifo PVFA i kolo holidei brek.

Galaxy FC- 15

Tafea FC- 13

Tupuji Imere FC- 11

Yatel FC- 7

Ifira Black Bird- 7

Erakor Golden Star- 6

North Efate United- 6

Mauwia- 5

Seveners United- 1

Siaraga FC-0

PVFA i stap luk fowod long olgeta koperesen mo sapot blong olgeta klab long 2021.

(0) comments

Welcome to the discussion.

Keep it Clean. Please avoid obscene, vulgar, lewd, racist or sexually-oriented language.
PLEASE TURN OFF YOUR CAPS LOCK.
Don't Threaten. Threats of harming another person will not be tolerated.
Be Truthful. Don't knowingly lie about anyone or anything.
Be Nice. No racism, sexism or any sort of -ism that is degrading to another person.
Be Proactive. Use the 'Report' link on each comment to let us know of abusive posts.
Share with Us. We'd love to hear eyewitness accounts, the history behind an article.