PVFA i hostem fes 2021 klab miting

Port Vila Futbol Asosiesen (PVFA) i kam blong okanisem fes 2021 klab miting blong hem long PVFA konferens rum yestedei middei.

Insaed long miting, i bin gat fo (4) ajenda we PVFA mo olgeta klab ripresentatif oli kam tokbaot bifo olgeta PVFA komitisen program bambae oli kik off long manis ia.

Olgeta ajenda we PVFA i kam blong diskasem i gat Affiliation fee, VFF Nasonal Lik, pleia transfea mo PVFA Supa kap.

Olgeta diskasen we oli tekem ples i lukim PVFA i kam blong muvum sam long olgeta ajenda blong hem i kolo nekis miting, hemia long Tiusdei neks wik, bifo PVFA i save finolisem evri ajenda ia.

PVFA i kam blong diskasem tu olgeta kompitisen program we i stap mo olgeta PVFA Supa kap fixtures we PVFA i rilisim tu long evri klab ripresentatif blong hem yestedei.

PVFA i kam blong tokbaot tu olgeta rekwaemen mo rekulesen we wan klab i mas mitim bifo i save patisipet long olgeta tunamen blong hem.

I gat smol diskasen tu long saed blong olgeta premia gem fixtures mo PVFA bambae i dil wetem long dei we i stap kam.

Wan long olgeta mein tingting tu long miting blong yestedei i lukim PVFA mo olgeta memba blong em i kam blong diskasem tu hemi pleia transfe mo PVFA i konfem blong wok wetem VFF blong adresem olgeta fomal agrimen blong adresem isu ia.

PVFA i lukluk tu blong save introdusum Women futbol lik insaed long kaontri afta ino bin aktiv long ol pas yia i kam. PVFA i konfem se bambae i aprojem VFF konsenem isu ia. Long saed blong afilisen fi, i gat smol diskasen blong lukluk long fi jenjes mo bmbae i finolaesem long nekis miting. PVFA i konfem tu se olgeta klab affiliesen fi paymen emi long March.

Yut mo women lik i stap tu insaed long diskasen blong yestedei mo bambae olgeta apruvol long ol ajenda bambae i tekem ples nekis wik.

PVFA i aknolejem evriwan blong save kam long miting mo i luk fowod long nekis miting we bambae i save kam blong finolisem tu evri ajenda blong hem.

(0) comments

Welcome to the discussion.

Keep it Clean. Please avoid obscene, vulgar, lewd, racist or sexually-oriented language.
PLEASE TURN OFF YOUR CAPS LOCK.
Don't Threaten. Threats of harming another person will not be tolerated.
Be Truthful. Don't knowingly lie about anyone or anything.
Be Nice. No racism, sexism or any sort of -ism that is degrading to another person.
Be Proactive. Use the 'Report' link on each comment to let us know of abusive posts.
Share with Us. We'd love to hear eyewitness accounts, the history behind an article.