PVFA i apruvum transfe fi

(PVFA FB)

PVFA i kam blong apruvum finis wan transfe fi blong olgeta PVFA rejista klab. Hem i VT150,000.

Daily Sporst i karem konfemesen ia long Port Vila Futbol Asosiesen (PVFA) afta we transfe windo isu i wan long olgeta mein ajenda insaed long lates PVFA klab miting we i tekem ples long Tiusdei tis wik long PVFA konferens rum.

PVFA Vaes Presiden, Harry Attison i talemaot se long leites miting ia i lukim PVFA eksekutif i karem tu sam konsen wetem olgeta klab ripresentatif long isu ia.

PVFA i konfemem se transfe windo bambae i open long Januari ia. Hemi talemaot se PVFA transfe windo i stap open long end blong evri fes leg jampionsip.

Wetem tingting blo Vanuatu Futbol Federesen (VFF) blong openem transfe windo long manis ia, PVFA i konfem se 2020-2021 jampionsip lik fes leg tu i gat fo (4) gem i stap iet.

PVFA Vaes Presiden i talemaot se bambae PVFA i mit wetem VFF blong karemaot sam moa konsalt wetem olgeta blong save kasem wan apruvuol long isu ia.

PVFA i talemaot tu se fi i ko tuwods klab blong wan pleia we i wantem transfe aot long klab blong hem mo sipos wan klab i wantem aprojem wan pleia blong transfe aot long klab blong hem. PVFA i kliarem tu se fi ia i kam olsem wan benefit tu blong olgeta klab blong oli save patisipet long hem.

Long olgeta narafala PVFA apdeit, PVFA i konfem tu se bambae Port Vila Supa kap dei 1 i kik off long tis wiken. I gat smol arenjmen iet i stap blong adresem olgeta dei 2 premia maj mo PVFA i konfem blong adresem hemia tu.

PVFA i wantem remaendem tu olgeta PVFA rejista klab blong kam komplitim olgeta afiliesen fi blong 2020-2021 sisen bifo 1st March 2021.

Bambae PVFA jampionsip lik bae i stat long nekis manis.

(0) comments

Welcome to the discussion.

Keep it Clean. Please avoid obscene, vulgar, lewd, racist or sexually-oriented language.
PLEASE TURN OFF YOUR CAPS LOCK.
Don't Threaten. Threats of harming another person will not be tolerated.
Be Truthful. Don't knowingly lie about anyone or anything.
Be Nice. No racism, sexism or any sort of -ism that is degrading to another person.
Be Proactive. Use the 'Report' link on each comment to let us know of abusive posts.
Share with Us. We'd love to hear eyewitness accounts, the history behind an article.