PVFA blong wok wetem gavman mo praevet sekta blong adresem nasonal futbol standed

PVFA Presiden, Andrew Leong, PM Bob Loughman, Foreign Afea Minista, Marc Ati, Minista blong Yut mo Sport, Willie Satearoto mo Minista blong Infrastrakja, Jay Ngwele.

Port Vila Futbol Asosiesen (PVFA) eksekutif mo ofis oli risivim wan delegesen blong gavman we Praem Minista Bob Loughman i lidim igo daon long PVFA stadium yestedei aftanun.

Wan long olgeta tingting bihaen long visit ia i blong bildimap tu strong rilesensip blong PVFA wetem gavman mo semtaem praevet sekta blong adresem olgeta impruvmen insaed long olgeta PVFA gem veniu.

PVFA i konfem se PV Stadium i wan long olgeta fasiliti we oli bildim long 1960s mo stil i nogat wan asistens yet i kam long kavman blong adresem isu blong impruv PV Stadium.

Wetem wan long olgeta objektif blong PVFA i hostem olgeta gem tu long naet, hemia long 2021, PVFA i askem tu help blong kavman mo praevet sekta blong adresem olgeta laet blong stadium blong save operet bakeken.

Sam long olgeta tingting tu we i kam antap i blong adresem tu wan inkris blong ol namba blong ol jea mo selta blong save provaedem selta long olgeta futbol sapota, ol hae ofisol blong gavman mo praevet sekta long taem blong ol gem.

PM Loughman i kam blong aprisietem tu olgeta wok we PVFA i bin sta mekem blong apgredem futbol fasiliti mo indastri insaed long Port Vila mo long kaontri.

Mr Loughman i konfemem tu se gavman bambae i sapotem tingting we PVFA i kivimaot. Emi talem se impruvum olgeta gem veniu tu i impoten from i wan kontribusen tu igo long olgeta komuniti we oli wok tugeta wetem PVFA. Hemi welkam tu asistens blong praevet sekta blong sapotem futbol long Port Vila.

Wetem NCD olsem wan helt isiu insaed long Pacific mo Vanuatu, PM Loughman i talem se sport i wan long olgeta impoten tul tu blong adresem isiu ia. Mr Loughman i talem se helti komuniti, helti kakai, helti nesen mo helti sportmansip i wei fowod.

PM i kam blong mensenem se wetem apgred ia, bambae veniu tu i save hostem ol bigfala event tu long fiuja. Mr Loughman i talem tankiu long PVFA long inisietif ia mo i luk fowod blong wok wetem PVFA long ol dei we i stap kam.

PVFA i stap luk fowod long nekis tri wik ia bifo olgeta PVFA maj oli stat bakeken mo bambae i mentenem fil i stap blong olgeta tunamen we bambae i tekem ples long Jenuari 2021.

PVFA i luk fowod blong wok wetem gavman mo praevet sekta blong apgredem futbol indastri tu long kaontri.

Futbol Asosiesen blong Port Vila i wantem remaendem tu olgeta pleia mo sapota blong stap sef oltaem tru aot long holidei ia, mo no drong mo draev.

PVFA i luk fowod blong mitim evriwan bakeken long 2021 mo i wisim evriwan wan meri Krismas mo hapi Niu Yia.

(0) comments

Welcome to the discussion.

Keep it Clean. Please avoid obscene, vulgar, lewd, racist or sexually-oriented language.
PLEASE TURN OFF YOUR CAPS LOCK.
Don't Threaten. Threats of harming another person will not be tolerated.
Be Truthful. Don't knowingly lie about anyone or anything.
Be Nice. No racism, sexism or any sort of -ism that is degrading to another person.
Be Proactive. Use the 'Report' link on each comment to let us know of abusive posts.
Share with Us. We'd love to hear eyewitness accounts, the history behind an article.