Olgeta 2019-2020 Port Vila Futbol Asosiesen (PVFA) premia jampionsip gems we i bin saspen folem COVID- 19 restriksen, oli kik-of bakegen lo wik ia, daon long Port Vila stadium.

Yestedei i lukim Tafea FC hemi plei Mauwia FC mo hemi kam blong winim maj ia long 1-0.

Tugeta tim oli displei wan gudfala kaonta atak strateji wei i lukim gem presa hemi bigwan mo bol posesen tu hemi 50-50 insaed long fil. Nomata long olgeta presa wei i kamaot long tugeta tim, nogat wan hemi manej blong tekem wan lid insaed long fes 45 minit.

Stret long 60 minit insaed long gem, Tafea FC hemi kam blong tekem lid afta long wan naes kros long lef saed blong penalti box blong Mauwia FC mo bol hemi ko stret long ataka blong Tafea FC, John Thomas, blong putum bol iko insaed long net blong Mauwia FC.

Mauwia FC hemi putum presa bigwan lo Tafea FC blong save kasem wan dro be rabis weta hemi distebem fulap janis we olgeta boe oli kat. Tafea FC hemi kontinu blong save kasem wan moa poen tru long ol kaonta atak blong ol beh difens wol blong Mauwia FC hemi no alawem eni bol bakeken insaed long net.

Ful taem i lukim sko hemi stap long feva blong Tafea FC 1- Mauwia FC 0.

Long olgeta nara updeit insaed long PVFA premia lik, wan ofisol program we PVFA hemi kivimaot, bambae i lukim long tedei, Satedei 11th Septemba, bambae Yatel FC hemi plei Tupuji Imere FC long 11am.

Tupuji Imere FC we hemi kam rana-ap insaed long PVFA premia mini tunamen we i jes finis bambae hemi kam blong mentenem klasmen posisen blong tim tu insaed long PVFA premia divisen.

Sekon maj long 1pm, bambae Siaraga FC hemi plei Ifira BB FC. Las maj bambae i lukim Erakor GS FC hemi plei ABM Galaxy FC long 3pm.

Olgeta premia maj oli no bin kohed gud long las wik i kam, folem nomo VFF nasonal lik jampionsip mo PVFA premia mini tunamen we tugeta kompitisen ia oli jes komplit.

Long olgeta maj insaed long PVFA fes divisen, long Tasdei 10 Septemba, Shepherds UTD FC hemi kam blong winim Seveners Utd FC long 8-0 daon long Port Vila Stadium.

Tedei, Satedei 11th Septemba bambae i lukim olgeta fes divisen maj bambae hemi tekem ples long Amical fil. Long 11am, Pango GB FC hemi plei North Efate UTD FC. Sekon maj bambae hemi stap bitwin Easton FC mo AS Ambassador FC.

Las maj long 3pm bambae i lukim Mauriki FC hemi plei Malampa UTD FC.

Olgeta updeit insaed long PVFA sekon divisen we bambae i tekem ples long Kawenu fil, bambae i lukim long tis kaming Satedei, long 11am, bambae Narak FC hemi plei Black Diamond FC. Sekon maj bambae i lukim Redal FC hemi plei Melakel FC long 1pm. Las maj long 3pm, bambae Lakotau FC hemi plei Kings UTD FC.

(0) comments

Welcome to the discussion.

Keep it Clean. Please avoid obscene, vulgar, lewd, racist or sexually-oriented language.
PLEASE TURN OFF YOUR CAPS LOCK.
Don't Threaten. Threats of harming another person will not be tolerated.
Be Truthful. Don't knowingly lie about anyone or anything.
Be Nice. No racism, sexism or any sort of -ism that is degrading to another person.
Be Proactive. Use the 'Report' link on each comment to let us know of abusive posts.
Share with Us. We'd love to hear eyewitness accounts, the history behind an article.