Tafea FC win

long lef kasem rait: Moise Poida (Galaxy FC koj), John Wingy Tariwarsal (Galaxy FC team maneja), Ephraim Kalorib (Tafea koj) mo Silas Namatak (Tafea tim maneja) oli sekhan afta long viktri blong Tafea FC.

President blong Galaxy futbol klap, Jackson George hemi konkratuletem Tafea FC blong winim opening kap blong 2019/2020 futbol sisen.

Galaxy FC hemi hapi tumas blong luk se Tafea FC i putum wan gudfala pefomens long grand faenal ia, mo hemia nao Galaxy FC i wantem luk evri klab lo premia lik i mas mekem blong jalenj from Galaxy FC i putum wan stanted lo futbol lo Port Vila blong priperem olgeta long O-lik kompetisen we bae hemi stat long February 2020.

President blong Galaxy FC hemi talem se Galaxy FC i wantem testem ol pleya blong hem sapos oli fit blong ko long O-lik.

“Mi olsem president blong klab mo ona blong klab, we hemi Andrew Leong, mitufala i stap enkarejem everi klab mo evri futbol pleya blong oli mas wok tugeta blong leftemap stanted blong futbol long Vanuatu mo tu blong soem disaplin insaed mo autsaed long fil.”

Wetem hemia, manejmen blong Galaxy FC i stap apil tu long ol narafala pleya long ol difren klab blong mas stap pefom gud long every Satede gem, from bae klab hemi save selektem wan lo olgeta blong joinem Galaxy FC list blong ko plei long O-lik.

Hemia from yumi luk se i kat fulap potensol pleya we oli save joinem Galaxy FC long kompetisen ia, mo tu from bae oli representem Vanuatu long nekis yia 2020 O-lik kompetisen.

(0) comments

Welcome to the discussion.

Keep it Clean. Please avoid obscene, vulgar, lewd, racist or sexually-oriented language.
PLEASE TURN OFF YOUR CAPS LOCK.
Don't Threaten. Threats of harming another person will not be tolerated.
Be Truthful. Don't knowingly lie about anyone or anything.
Be Nice. No racism, sexism or any sort of -ism that is degrading to another person.
Be Proactive. Use the 'Report' link on each comment to let us know of abusive posts.
Share with Us. We'd love to hear eyewitness accounts, the history behind an article.