Pele FC i kam blong elektem niufala eksekutif blong hem tis wik long Malapoa College dining hall.

Pele FC wan long olgeta niu klab we i rejista insaed long Port Vila Futbol Asosiesen (PVFA) long las sisen ia i kam blong rilisim tu niufala logo blong hem mo semtaem niufala sponsa, mo olgeta niu unifom blong tim.

Insaed long niufala eksekutif ia i lukim

Eksekutif;

Presiden : Mr William Naviti Marakipule

Vaes Presiden : Walker Daniel Manamuri

Secretary : Winnie Timatua

Vaes Secretary : Anita Pakoa

Treasurer: Mere Timatua

Vaes Treasurer : Amos Kalo

Tim maneja: Sandy Samuel

Marketing ofisa: Willie Rueben

Vaes marketing ofisa: Donald Samuel

Memba: Willie Tariliu, Lale Pakoa, John Sedak mo George.

Insaed long olgeta logisitic affairs blong klab i lukim Hed koj : Jimmy Ben, Physical fitness instrakta, Joe Pakoa mo teknikol advaesa, Noel Sandy.

Pele FC niufala klab sponsa hemi Mr Simo long Solar supplier company.

Wetem tingting blong kontinu promotem futbol development insaed long Tongoa mo Shefa provins, Pele FC i kam blong krietem wan avenue we bambae i sapotem mo asistim unity mo solidarity bitwin ol yut mo ol komuniti memba, krietem wan helti environment mo semtaem promotem futbol insaed long kaontri.

Pele FC Presiden i aknolejem ol pleia mo sapota long trust mo apoenmen we niufala eksekutif i kasem mo bambae oli wok tugeta blong save ajivim olgetra vision mo mission blong Pele FC.

Mr Navitii talem tu se strong tingting blong olgeta yut i soemaot se oli gat wan gudfala heart blong save mekem wan jenj insaed long komuniti. Hemi talem se no mata long olgeta jalenj we klab i kasem, hemi biliv se olgeta jalenj oli mekem yumi strong tu.

Pele FC Presiden i talemaot se dream emi wan reality we i nidim aksen mo dedikesen mo hemia i wanem we Pele FC i mekem. Hemi kontinu blong talemaot se wetem Papa God nomo evrisamting emi posibol.

Pele FC secretary, Winnie Timatua i enkarejem olgeta pleia blong kontinu ajivim olgeta dream blong ol mo i talem tu se futbol ino wan sport nomo beh wan komuiti blong serem ol tingting mo lukaotem ol memba tu. Mrs Timatua i apil tu long ol pleia blong no involv long drugs mo alkol.

Pele FC i wantem aknolejem tu Mr John Maseires blong 100% Pure Design blong save krietem logo blong tim. Pele FC i aknolejem tu evri pleia mo ol sapota long sapot blong evriwan blong save mekem seremoni ia i posibol.

Pele FC eksekutif i luk fowod long olgeta koperesen mo patnasip blong evriwan insaed long 2021 mo long sisen ia. Pele FC i karem tugeta olgeta foma pleia blong Shepherds United FC mo ol komuiti memba blong Pele vilij long Tongoa blong save stap long niufala eksekutif ia. Pele FC i stap olsem rana ap blong PVFA sekon divisen klasmen.

(0) comments

Welcome to the discussion.

Keep it Clean. Please avoid obscene, vulgar, lewd, racist or sexually-oriented language.
PLEASE TURN OFF YOUR CAPS LOCK.
Don't Threaten. Threats of harming another person will not be tolerated.
Be Truthful. Don't knowingly lie about anyone or anything.
Be Nice. No racism, sexism or any sort of -ism that is degrading to another person.
Be Proactive. Use the 'Report' link on each comment to let us know of abusive posts.
Share with Us. We'd love to hear eyewitness accounts, the history behind an article.