Pele FC hemi aknoledjem ol sponsa mo sapota blong klap

Pele FC tim wetem Hed koj, Jimmy Ben,long Kawenu fil. PC:Pele FC

Folem olgeta development we i stap hapen insaed long Pele FC, Marketing Ofisa blong klab, Mr Donald Mariwota Kipe i wantem talem tankiu i ko long olgeta meja sponsa we oli bin save sponsarem mo sapotem klab long dei wan i kam kasem tede.

“Long bihaf blong klab, mi wantem talem bikfala tankiu i ko long Timakata Associates Law Firm we i save sponsarem klab wetem ful trening gia we totol kos blong hem i kasem samples 100,000vt.

“Mo tu tok tankiu iko long VanVet Ltd we i kivim 22 set blong futbol sus blong olgeta pleia, Port Vila Taon kaonsela we i donetem sam bol mo bips long klab, Kaonsela Moses Steven we i save kontribut tu mo sapotem klab. North Efate FC tu hemi helpem klab wetem samfala bips blong ol pleia i ususm long taem blong trening,” Mr Maeitwota i talem.

Mr Mariwota hemi presem olgeta sponsasip ia we i kam tru nao long populariti blong Pele FC taem hemi displeiem kem blong em insait long fil long Port Vila.

Pele FC i wan unik klab from se komuniti blong Pele vilij(Tongoa) we hemi stap unda nao long kaonsel blong jif blong Pele, olgeta nao oli onem klab ia,weh tete oli kontiniu blong karem plante sapot nao long komuniti.

Wetem olgeta sapot ia, klab manejmen i wantem ekstendem tok tankiu blong em i go tu long Minista risponsibol long Sport blong save helpem klab tru long lidaship blong klab President, Mr William Naviti.

Mariwota hemi konfemem tu se klab hemi 100 pure disaen we i printim nao ful unifom blong tim.

Hemi talem se blong ajivim olgeta sapot mo help i kam olsem i no isi,wetem olgeta strakel blong krowem administresen blong klab. Hemi se naoia oli kat wan niufala konsalten finis blong klab mo tu (2) ofisel stam blong klab tu.

Marketing Maneja hemi praod blong talem se Pele FC, i wan klab we i ‘well organised’,tru long President mo eksekutif blong em.

Klab i wantem aknoledjem tu yut kaonsel tru long Vanuatu kavmen long asistens blong hem mo tu klab hemi admaerem olgeta sapota mo hu eva we i fan blong Pele FC.

Klab i stap flaem naoia kala blong Solar Supplies we hemi meja sponsa blong 3 yia. Mr Mariwota i talem se nekis kem blong Pele FC,bae oli usum niu unifom we Solar Supplies hemi odarem i kam long China long wik ia.

Mariwota hemi konfemem tu se wetem wan pikfala namba blong olgeta kraud,sapota mo ol fan blong Pele FC,klab i nomo usum Kawenu fil,be hemi usum naoia Port Vil;a Stadium wetem Korman Stadium from hemi bigwan blong save akomodetem bikfala kraud long taem blong kem.

(0) comments

Welcome to the discussion.

Keep it Clean. Please avoid obscene, vulgar, lewd, racist or sexually-oriented language.
PLEASE TURN OFF YOUR CAPS LOCK.
Don't Threaten. Threats of harming another person will not be tolerated.
Be Truthful. Don't knowingly lie about anyone or anything.
Be Nice. No racism, sexism or any sort of -ism that is degrading to another person.
Be Proactive. Use the 'Report' link on each comment to let us know of abusive posts.
Share with Us. We'd love to hear eyewitness accounts, the history behind an article.