MRFC emi LFA 2020-21 Jampion

MRFC long 2020 VFF Jampions Lik tunamen long Port Vila. (file)

Malampa Revivors FC emi Classic Printer Lugainville Futbol Asosiesen (LFA) 2020-21 Jampion.

MRFC i kam blong bukum tu wan spot insaed long ap kaming Vanuatu Futbol Federesen (VFF) Jampions Lik we bae i kik of long manis ia long Lugainville Soccer Stadium, Santo.

MRFC i kam blong grabem jampion taetol afta i kam blong winim las jampionsip gem blong em agensem Santos FC long 2nil.

LFA kompitisen dipatmen i konfem long daily post se Malampa Revivors United nao bambae i representem LFA insaed long

LFA i konfem tu se sisen ia i bin wan rili gud sisen wetem fulap gud mo strong kompitisen we everi klab i displeiem long stat kasem ein blong em.

Wetem sponsasip blong Classic Printers insaed long LFA mo LCM blong sapotem olgeta eria wod lik insaed long Santo, LFA i biliv se emi wan positiv saen se futbol manejmen mo pefomens istap kam antap plante no mata long bigfala namba blong ol pleia we i transfe iko long Port Vila Futbol Asosiesen (PVFA).

LFA i stap tekem taem ia tui blong talem tank iu long ol klab, ol pleia, ol fan mo espeseli ol sponsa we oli save soem wan positive kontribusen i ko tuwods futbol developmen blong Noten taon.

LFA i stap luk fowod long nekis sisen mo i stap invaetem olgeta sapota blong kam joenem LFA mo Classic printer long 2nd Julae blong selebretem olgeta ajivmen mo semtaem adresem tu olgeta plan blong 2021-22 sisen we i stap kam blong benefitim futbol developmen long Lugainville, Sanma mo Vanuatu.

(0) comments

Welcome to the discussion.

Keep it Clean. Please avoid obscene, vulgar, lewd, racist or sexually-oriented language.
PLEASE TURN OFF YOUR CAPS LOCK.
Don't Threaten. Threats of harming another person will not be tolerated.
Be Truthful. Don't knowingly lie about anyone or anything.
Be Nice. No racism, sexism or any sort of -ism that is degrading to another person.
Be Proactive. Use the 'Report' link on each comment to let us know of abusive posts.
Share with Us. We'd love to hear eyewitness accounts, the history behind an article.