MR FC blong mitim ABM Galaxy FC long NSL gran faenol tedei

Vanuatu difending jampion MR FC. (File)

Difending jampion klab blong Vanuatu, Malampa Revivors FC emi stab luk fowod long Vanuatu Futbol Federesen (VFF) Nasonal Supa Lik (NSL) gran faenol maj we bambae emi kik of tedei aftanun emia long 3pm.

MR FC we emi semtaem bukum wan spot insaed long Oceania Jampions Lik (O-Lik) 2021, emi kam blong qualifae iko long NSL gran faenol agensem ABM Galaxy FC afta long wan gudfala maj agensem Tafea FA reprisentatif, LL Echo FC long Wednesdei tis wik we i lukim MRFC emi kam blong win long 3-2.

MR FC we emi stap olsem Lugainville FA ripresentatif, emi tekem tu seves blong fulap yang skilful pleias insaed long Lugainville town.

Wetem olgeta seves blong ol pleias olsem Edwin Bai, Claude Aru, Dondy Kileteir, Bethuel Ollie, Armando Ravo mo Michel Soksok, bambae gran faenol maj ia emi wan interesting maj blong wajem daon long Korman Stadium.

MR FC we emi stab olsem wan Vanuatu ripresentatif long O-Lik 2020 we i bin kansel folem COVID19 restriksen, bambae emi luk fowod tu long OFC jampions lik 2021 sisen we emi stap kam.

MR FC Hed Koj, Steve Ham emi talem se MRFC emi kat wan tim blong ol yangfala we oli fulap. Hemi talem se wetem las gem agensem LL Echo FC, tim emi stab wok bigwan tu blong adresem olketa jalenj we oli kasem insaed long las gem blong ol.

Mr Ham emi talem se ova long ol pas deis, tim ikam blong adresem tu sam impruvmen we oli nidim blong save wok lem insaed long gran faenol maj blong tedei. Hemi talemaot se wetem ABM Galaxy FC olsem wan long olketa strong tim insaed long kantri, ol boes oli sta wok had tu blong mitim tim long NSL gran faenol maj ia.

MRFC we emi stab olsem jampion klab blong Vanuatu, koj Ham emi talem se tim emi kat hop mo konfiden long pawa blong Papa God blong leftemap moral blong ol. Hemi talem se tim emi no wan sporting klab be emi wan ministri we emi karem tuketa ol yangfala blong faenem aot pepos blong laef we emi Papa God nomo, from yumi evriwan i ol tempol blong tabu spirit blong hae God.

Mr Ham emi se MR FC emi konfiden blong fesem ABM Galaxy FC mo hop blong semtaem difendem taetol blong ol olsem jampion klab blong Vanuatu.

MR FC koj emi stap invaetem tu olketa futbol fans mo sapotas truaot long Port Vila blong kam soemaot sapot wetem wan gudfala spirit blong futbol long NSL gran faenol maj daon long KOrman Stadium.

Fes maj blong dei bambae i lukim LL Echo FC emi plei Ruerue FC emia long 12pm from namba tri ples. Gran faenol maj bambae emi tekem ples long 3pm.

(0) comments

Welcome to the discussion.

Keep it Clean. Please avoid obscene, vulgar, lewd, racist or sexually-oriented language.
PLEASE TURN OFF YOUR CAPS LOCK.
Don't Threaten. Threats of harming another person will not be tolerated.
Be Truthful. Don't knowingly lie about anyone or anything.
Be Nice. No racism, sexism or any sort of -ism that is degrading to another person.
Be Proactive. Use the 'Report' link on each comment to let us know of abusive posts.
Share with Us. We'd love to hear eyewitness accounts, the history behind an article.