Michael Joseph hemi niu president blong South Efate Football League

Niufala eksekutif blong Saot Efate Futbol Lik.

Eleksen blong Saot Efate Futbol Lik i tekem ples long Mandei wik ia long Shefa Provinsol hedkwota,mo i lukim Michael Joseph blong Erakor vilij nao hemi niufala Presiden blong Saot Efate Futbol Lik afta long out going Presiden,Michel Kalworai we i stap blong 4 yia term.

Michael Joseph,hemi wan foma pleia blong Erakor Golden Star FC,hemi semtaem PVFA referi long 1992 long semfala yia ia we hemi bin stap help aot wetem Saot Efate Futbol Lik taem i jes stat long taem blong Mr Billy Mambang we hemi Presiden blong Shefa Futbol Asosiesen.

Kasem 2014,Mr Joseph hemi kasem apoinmen blong hem olsem wan FIFA asisten refree,kasem 2016 we Michel Kalworai hemi kam Presiden blong Saot Efate Lik.

Michael Joseph i spendem over 20 yia wetem Lik anda long Shefa Futbol Asosiesen,kasem long yia ia hemi karem apoenmen blong hem olsem niufala Presiden blong lik.

Niufala eksekutif ia i lukim:

Presiden: Michael Joseph Eraniao Elau Egis FC

Vice P: Solomon Jimy Pango FC

Sekreteri: William Langs Classic Ston FC

Vice S: Repua Ismael Naflak United FC

Tresara: Ken Mana Marsowi FC

Vice T: Keith Bani Teouma United FC

Memba: Jacob Willie United Malampa FC

Memba: Daniel Moris Taputi FC

Niufala eksekutif ia nao bae i lukaotem ofis blong 4 yia stat long July 2021 kasem July 2025.

“Mi wantem talem thank you lo ol kolik klab we oli trastem mi blo elektem mi olsem niufala Presiden blo helpem wok blong outgoing eksekutif blong tekem Saot Efate Futbol Lik i ko long wan nex level mo helpem Shefa Futbol Asosiesen (SFA) tu blo go foret.”

Wetem eleksen ia,bambae niufala eksekutif bae oli karem ofis mo wok tuketa mo lukluk fowod long olgeta futbol developmen insaed long Saot Efate Futbol Lik.

(0) comments

Welcome to the discussion.

Keep it Clean. Please avoid obscene, vulgar, lewd, racist or sexually-oriented language.
Don't Threaten. Threats of harming another person will not be tolerated.
Be Truthful. Don't knowingly lie about anyone or anything.
Be Nice. No racism, sexism or any sort of -ism that is degrading to another person.
Be Proactive. Use the 'Report' link on each comment to let us know of abusive posts.
Share with Us. We'd love to hear eyewitness accounts, the history behind an article.