iCOUNT Yatel FC i dro wetem Seveners United FC

iCOUNT Yatel FC midfilda, Bethuel Ollie (lef) i krietem tu fulap janis blong tim i save tekem lid long gem blong yestedei. (PVFA)

Port Vila Futbol Asosiesen (PVFA) Vodafone 2020-2021 Jampionsip sekon lek i kik off bakeken daon long Port Vila Stadium afta long 3 dei lok-daon anaonsmen we gavman i mekem tis wik long Port Vila, Efate.

Long olgeta gem blong yestedei, i lukim iCount Yatel FC i kam blong dro wetem Sevenrs United FC long 0-0.

iCOUNT Yatel FC, Hed koj, Christophe Massing i talem aot se gem blong tedei ol boe i luk fowod long wan gudfala gem be long end blong dei, ol boe i kam blong dro wetem Seveners United FC.

“Seveners United FC i wan tim we save kivim had taem tu long everi premia tim. Mefala bin kat fiu janis, be long end blong gem i nogat sko. Mifala kasem wan poen long ol pas maj i kam mo tim i stap long run iet tuwods ol top faev insaed long Vodafone klasmen.

“Tim i gat wan longfala run i stap iet, mo preperesen tu stap kohed. Mifala luk fowod long nekis gem.”

Koj Massing i wantem tekem taem ia blong talem tankiu long olgeta sapota mo fan we i save kam blong sapotem ol boe lo gem agensem Seveners United FC. Mr Massing i talem aot se nating wan dro, be ol boe i aprisietem sapot oltaem.

Koj Massing i talem aot se i gat fiu mistek we tim bambae i wok long em, tuwods long nekis gem. Hemi stap apil long ol sapota blong kam sapotem tim long nekis jampionsip maj blong pusum moral blong ol pleia long nekis gem we i stap kam.

Maj ia i lukim tugeta saed i kasem fulap janis blong save tekem lid be i lukim tugeta saed i feil blong kasem ol gudfala finis tru aot long ful 90 minit blong gem.

(0) comments

Welcome to the discussion.

Keep it Clean. Please avoid obscene, vulgar, lewd, racist or sexually-oriented language.
PLEASE TURN OFF YOUR CAPS LOCK.
Don't Threaten. Threats of harming another person will not be tolerated.
Be Truthful. Don't knowingly lie about anyone or anything.
Be Nice. No racism, sexism or any sort of -ism that is degrading to another person.
Be Proactive. Use the 'Report' link on each comment to let us know of abusive posts.
Share with Us. We'd love to hear eyewitness accounts, the history behind an article.