IBB FC hemi mentenem lid blong hem insaed long PVFA premia klasmen

Win blong IBB FC yestedei hemi putum tim i stab long lid iet insaed long PVFA premia klasmen. (VS)

Ifira black Bird FC hemi kontinu blo mentenem lid blong hem insaed long Port Vila Futbol Asosiesen (PVFA) 2019-2020 jampionsip premia divisen afta i kam blong winim Tupuji Imere FC lo 1-0 yestedei aftanun long Port Vila stadium.

IBB FC kaonta atak, Jean Marie Supasongi nao hemi kam blong putum wining poen blong maj ia insaed long 42 minit blong fes haf.

TIFC hemi traem evri bes bloong savei kasem wan equalize bei olgeta boes long grin mo yelo oli no alawem eni bol insaed long net blong ol.

TIFC wei i lukim hem i stab long namba 5 posisen wetem 11 poen, i lukim Raul mo Michel Coulon wetem kaonta atak blong ol Azariah Soromon ino tek pat long laten ap nlong TIFC yestedei aftanun.

IBB FC hemi kasem fulap janis tu blong savei sko bei i feil blong putum bol i kobak bakeken insaed long net blong TIFC.

Win blong IBB FC hemi putum tim i stap long lid wetem 27 poen insaed long PVFA premia klasmen.

Olgeta nara updeit insaed long PVFA premia lik, bambae i lukim long Satedei (tedei), fes maj long 11am bambae Yatel FC hemi plei Siaraga FC.

Sekon maj bambae i lukim Erakor GS FC hemi plei Mauwia FC long 1pm.

Las maj blong dei, hemia long 3pm, bambae Tafea FC hemi plei Galaxy FC.

Long lates PVFA premia klasmen, i lukim IBB FC nao hemi stap topem wetem 27 poen, ABM Galaxy FC — 23 poen, Tafea FC- 23 poen, EGS FC- 15 poen, TIFC- 11 poen, Siaraga FC – 9 poen, Mauwia FC – 9 poen mo Yatel FC -9 poen.

Ol nara updeit insaed long PVFA sekon divisen lik bambae i lukim long 11am, Black Diamond FC bae hemi fesem Kings United antap long Amical fil.

Sekon maj long 1pm bambae i lukim Varona FC hemi plei Redal FC.

Las maj bambae hemi stab bitwin Lakotau FC mo Narak T FC stret long 3pm.

(0) comments

Welcome to the discussion.

Keep it Clean. Please avoid obscene, vulgar, lewd, racist or sexually-oriented language.
PLEASE TURN OFF YOUR CAPS LOCK.
Don't Threaten. Threats of harming another person will not be tolerated.
Be Truthful. Don't knowingly lie about anyone or anything.
Be Nice. No racism, sexism or any sort of -ism that is degrading to another person.
Be Proactive. Use the 'Report' link on each comment to let us know of abusive posts.
Share with Us. We'd love to hear eyewitness accounts, the history behind an article.