Galaxy Yut Prokram 2019 i redi blong kik off

Galaxy FC bae hemi kik off wetem prokram blong olgeta pikinini mo yut we oli singaotem nao ‘Galaxy Yut Prokram 2019’.

Daily Sports hemi toktok wetem hed maneja blong tim Galaxy FC long wik ia, Roddy Lenga mo hemi talem se prokram ia oli bin statem finis long las yia manis blong July wetem wan total blong ova 300 pikinini we eij blong olgeta i stat long 2 kasem 20 years.

Wetem hemia, ekseketif oli fainem aut se hemi had lelebet from se sinia tim hemi kat ol games bblong hem tu mekem se oli bin stopem long manis blong July.

Lenga hemi konfemem se bae long Sunday wiken ia namba 8 Septemba long 3.30pm bae oli rilonjem prokram ia bakeken long Amical fil.

I kat sam jenis we exeketif i mekem we bae i lukim eij we ekseketif hemi rikwaem hemi stat long 11 kasem 16 yia blong ol boy mo ol gel.

Be hemi dipen nomo long olgeta we oli bin joinem prokram ia las yia sapos oli soem interes bakeken blong joinem prokram ia long yia ia bakeken.

Lenga hemi pointem tu se prokram ia hemi blong helpem ol pikinini mo yut we eij stat long 11-16 we oli no kat janis blong ko long skul, be i no hemia nomo be blong mekem se oli no tekem drugs, alkol mo still we i kam wan bikfala problem tede.

Rilonjing we bae hemi tekem ples long Sunday ia hemi olsem wan scouting dei, mo tu hemi fri nomo long eni pikinini or yut we hemi intres be age blong hem hemi mas stat long 11-16 yia.

Olgeta we bae oli kodinetem prokram ia i kat, Diego Maximo we hemi bin ranem finis semak prokram olsem lo Solomon Islands, tufala narafala pleya blong Brazil i kat Gabriel mo Riveira Dos Santos mo Seloni Yaruel.

Wetem hemia, ekseketif blong Galaxy FC hemi askem bakeken sapose ol pikinini we oli intres blong joen bae oli save go long Amical fil wetem own sports kits blong olgeta (olsem futbol shoes, socks mo protekta).

Bambae afta long relonjing ia bae ol prokram i stat nao afta long hem bae olgeta kodineta ia we semtaem bae oli trena bae oli mekem nao fainol seleksen we bae i kat wan total blong 25 saksesful wan nao bae manejmen bae hemi jes lukluk long olgeta sports kits blong olgeta.

Manejmen blong Galaxy FC hemi no kam ap wetem wan tingting blong mekem prokram ia i kam olsem wan aotrij prokram blong save kasem olgeta 6 fala provins blong Vanuatu.

Olgeta we oli interest oli save kasem moa infomesen long Galaxy FB page.

(0) comments

Welcome to the discussion.

Keep it Clean. Please avoid obscene, vulgar, lewd, racist or sexually-oriented language.
PLEASE TURN OFF YOUR CAPS LOCK.
Don't Threaten. Threats of harming another person will not be tolerated.
Be Truthful. Don't knowingly lie about anyone or anything.
Be Nice. No racism, sexism or any sort of -ism that is degrading to another person.
Be Proactive. Use the 'Report' link on each comment to let us know of abusive posts.
Share with Us. We'd love to hear eyewitness accounts, the history behind an article.