Galaxy FC hemi welkamem niu straeka

Mohamed Waliou Ndoye long aksen. Photo: Getty Images

Galaxy FC bae hemi welkamem bakeken long wik ia wan mo niufala pleya blong joinem klab ia.

Niufala pleya ia we nem blong hem Mohamed Waliou Ndoye, hemi blong Senegal mo bambae hemi kasem Port Vila long Friday wik ia, Disemba 27.

Ndoye hemi kat 28 yia, mo hemi bin stap plei nao long wan klap blong Senegal nomo long 2015 taem hemi mekem 3 intanasonal transfea blong hem.

Fes tranfea blong hem nao long 2015 taem hemi tranfea long klap blong Senegal nomo we hemi Stade de Mboui i go long Mo Bejaia klab blong Algeria spendem samfala manis blong 2015-2016, kolosap wan yia mo hemi transfea bakken long klab blong Algeria ia i ko long CS Sfaxies blong Tunisia long 2018, we hemi spendem ova long wan yia mo las wan nao long las yia taem hemi tranfea bakeken i ko long wan klab ia Hajer, blong Saudi Arabia.

Mo afta long hemia kasem en blong yia ia, hemi tranfea i kam long Galaxy FC.

Taem Ndoye bae hemi kasem Port Vila nomo bae hemi statem trening blong hem wetem team from Nasonal VFF Kap long manis blong January nekis yia long Port Vila, mo long semtaem bae hemi fes apiarens blong hem wetem team Galaxy FC, be i no hemia nomo bae hemi stap insaid wetem team Galaxy blong go long O-lik long manis blong Februari nekis yia, long PNG.

Ona blong Galaxy FC, Mr Andrew Leong hemi talem se, hemi wantem blong team i mas kat fulap gem taem olgeta pleya pley, mo tu andastanem pley blong wan wan long olgeta.

Mr Leong hemi adem tu se VFF Nasonal Kap bae hemi taem blong olgeta pleya oli kat gem taem tu blong pefom mo redi blong O-lik long nekis yia.

(0) comments

Welcome to the discussion.

Keep it Clean. Please avoid obscene, vulgar, lewd, racist or sexually-oriented language.
PLEASE TURN OFF YOUR CAPS LOCK.
Don't Threaten. Threats of harming another person will not be tolerated.
Be Truthful. Don't knowingly lie about anyone or anything.
Be Nice. No racism, sexism or any sort of -ism that is degrading to another person.
Be Proactive. Use the 'Report' link on each comment to let us know of abusive posts.
Share with Us. We'd love to hear eyewitness accounts, the history behind an article.