Galaxy FC hemi jampion blong Port Vila Futbol Asosiesen (PVFA) Supa Kap afta i kam blong winim Tupuji Imere FC (TI FC) long 5-4 penalti sut aot.

Tufala tim i kam blong ekwalaes long 1-1 tru aot long ful 90 minit blong maj.

Gran faenol maj ia i lukim Port Vila Stadium i fulap gud long olgeta futbol sapota blong save kam witnisim gan faenol ia. Maj ia i rili wan strong maj taem i lukim tugeta saed i kam blong displei wan gud strong jalenj long fil.

Gran faenol maj ia i rili interesting taem i lukim fulap long olgeta pleia ia i bin patisipet tu insaed long VFF Nasonal lik we i jes komplit. Maj ia i lukim ol pleia i kam blong displei wan gud kompitisen blong futbol long foret blong kraod.

Galaxy FC wetem seves blong ol pleia olsem Barry Mansale, Bong Kalo mo Kency Tangis oli no bin lus fokas mo kontinu blong putum presa kasem 90 minit blong gem.

TI FC wetem ol pleia olsem Azariah Soromon, Alex Daniel mo Jason Tari oli bin krietem tu fulap janis blong TUFC blong save tekem lid be Galaxy FC difens wol i taetem ap gem plan blong em blong distebem olgeta janis we TI FC i kasem.

Galaxy FC nao i kam blong openem sko tru long wan fri kik sut, 20 yad long teritori blong TI FC. Galaxy FC midfilda, Barry Mansale nao i tekem fri kik ia we i ko stret long net blong TI FC.

TI FC ino kivap mo kontinu blong displei gem plan blong em blong save ekwalaes. Stret long las ten minit blong gem. TIFC kaonta atak, Azariah Soromon nao i kam blong ekwalaes sko long 1-1.

Tugeta tim oli no save kasem wan moa poen tru aot long ful 90 minit mo i lukim olgeta ofisol oli disaed blong kolo wan daerek penalty sut aot.

Galaxy FC midfilda mo gol skora, Barry Manasale nao i stap olsem bes pleia blong maj ia.

Long penalti sut aot, Galaxy FC nao i kam blong winim maj ia long 5-4.

PVFA premia namba tri ples i kolo Yatel FC afta i kam blong winim Ifira Blak Bird long 2-1.

Long olgeta narafal apdeit insaed long PVFA Supa kap, Mauriki FC i kam blong winim Shepherds United FC long fes division gran faenol long penalti sut aot.

Namba tri ples i ko lo Malampa United FC.

(0) comments

Welcome to the discussion.

Keep it Clean. Please avoid obscene, vulgar, lewd, racist or sexually-oriented language.
PLEASE TURN OFF YOUR CAPS LOCK.
Don't Threaten. Threats of harming another person will not be tolerated.
Be Truthful. Don't knowingly lie about anyone or anything.
Be Nice. No racism, sexism or any sort of -ism that is degrading to another person.
Be Proactive. Use the 'Report' link on each comment to let us know of abusive posts.
Share with Us. We'd love to hear eyewitness accounts, the history behind an article.