Vanuatu women's football

Vanuatu wetem Australia aksen long Korman stadium Photo:Aaron Kearney

Vanuatu Under 19 team blong olgeta woman oli bin lus aut long wan hevi sko blong 13-0 akensen Junior Matildas long home kraon hemia long wik ia.

Junia Matilda hemi fesfala Australian national football team blong visitim Pacific afta Caltex Socceroos long 2005.

Hemia hemi wan tour blong olgeta long 3 Pacific countries.

Daily Sports hemi bin witnisim game ia mo hemi kat janis blong save toktok wetem Vanuatu U19 Coach mo Vanuatu team kapten.

Coach blong Vanuatu women’s unda 19, Robert Yalu hemi komen long game blong Vanuatu wetem Australia se, “gem blong mifala hemi reflektem nmo wanem we Vanuatu footaball hemi stap fesem naoia i stap go.”

Yalu hemi koninue blong talem tu se,”bae mi no save dinaem, mifala i pley wanem we yumii kebabol blong play lem ia nao, yumi nokat Vanuatu women’s football.

“Mi pikimap olgeta blong trenem olgeta 2 wiks blong pley akensem wan tim olsem Australia we oli okanais oli kat fasility evriting, stat tajem futbol once oli smol i kam, kasem taem oli kat 19 yia blong yu spotemaut wan pleya i hat ia, mo posisen we i save pley long hem.”

Yalu hemi pointemaut se olsem wan coach even tho oli lus long wan hae sko long feva blong Australia, hemi hapi olsem coach.

Sapos man i save tokabaut hem or talem wanem be sapose hem i luksave ples we i stap rong lem ,mo sam man we i kam viktim lem, ples ia nao oli mas imprufum blong jenisim women’s football.

Vanuatu women’s U19 kapten, Rita Solomon hemi talem se long bihaf blong team oli mekem fulap mistek, i tru Vanuatu i nokat women’s lik blong save helpem olgeta, blong oli i save stap long wan level olsem.

“Fulap long ol gel mifala i stap slo blong rikava long sait blong fitness, mo mifala i wik, hemia hemi ol mistek we mifala i nid blong impruv long hem, hemi wan tuff kompetisen tu blong luk save mistek blong mifala blong mifala i save impruv long hem long this upcoming kompetisen.”

Wota blo ae blo Solomon hemi bin foldaon taem hemi stap pointemaut se kavman i stap lukluk long ol boy nomo ino tingbaut ol gel.

Wan eksampol nao se Vanuatu i kat lik blong ol man, be ino kat lik blo ol woman.

“Yumi stap wet nomo taem wan kompetisen, ale ol bigbigman bae oli kam nao sekhan long mifala, toktok we bae oli talem se, yufala i mas winim gem ia, be long fes dei mifala i no luk wan bigfalaman blong kam stap wetem mifala blong motivetem mifala, blong mifala i save push mo play long wan kompetisen olsem.

“So mi stap plis long gavman, plis ufala i lukluk long mifala ol woman,” tim kapten Solomon i talem.

Afta long gem ia, bae ol gel oli stap pripea tu blong ko long OFC kompetisen we bae hemi kikoff i no long taem.

Long nara nius, Vanuatu hemi hostem OFC Youth Developement Tournament 2019 we bae hemi tekem ples long Korman Stadium mo bae hemi kickoff tete.

Long 2pm bae i lukim Tahiti bae hemi fesem Papua New Guinea mo long 5pm New Caledonia bae hemi playem Vanuatu.

Tunamen ia hemi tekem tugeta 6 kantri evriwan.

I kat Tahiti, PNG, New Caledonia, Estonia, India mo Vanuatu.

Tunamen ia hemi stat tete mo bae i finis nao long namba 24 long Sarere nekis wiken.

(0) comments

Welcome to the discussion.

Keep it Clean. Please avoid obscene, vulgar, lewd, racist or sexually-oriented language.
PLEASE TURN OFF YOUR CAPS LOCK.
Don't Threaten. Threats of harming another person will not be tolerated.
Be Truthful. Don't knowingly lie about anyone or anything.
Be Nice. No racism, sexism or any sort of -ism that is degrading to another person.
Be Proactive. Use the 'Report' link on each comment to let us know of abusive posts.
Share with Us. We'd love to hear eyewitness accounts, the history behind an article.