Disentralisesen prokram i mas wok: PVFA Presiden

PVFA logo.

Presiden blong PVFA , Mr. Andrew Leong i wantem luk disentralisesen prokram we VFF i stap tokbout blong oli mas putum long aksen.

Long wan stetmen we PVFA i putum aot long sosel media, PVFA presiden i kam blong talem se sapos yumi wantem tokbaot prokram ia, yumi mas putum i kamaot klia blong public i save luk wanem ia yumi stap tokabout mo minim.

“Naoia yumi tokbout prokram ia be yumi wantem usum ol’ pleias blong PVFA long Nasonal Lik long 2021, me no ting se yumi stap putum long praktis disentralisesen prokram ia,” Leong i talem.

Andrew Leong i kohed blong talem se sapos wan objektif blong Nasonal Lik i wei o rod blong ko long nasonal tim, from wanem nao ol koj blong VFF we oli stap klosap nomo long PV stadium mo Korman stadium oli no save kam squadem ol pleia.

“Mi wantem remaendem VFF se i gud blong usum Nasonal lik olsem wan tunamen blong faenem ol niu pleia blong stap long nasonal tim wetem ol’ pleia olsem Kensi, Azariah mo ol’ nara pleia mo folem toktok blong disentralisesen.”

“PVFA i bin kat wan miting long wik ia finis mo evri klab i disagri blong ol’ nara MA’s i usum ol’ pleia we oli rejista wetem PVFA mo tunamen long yia ia, Shefa i winim wetem 8 pleia blong PVFA mo i no prijim prokram blong disentralisesen we yumi stap tokabout.

Andrew Leong i kat wan spesel miting wetem SG blong VFF mo serem ol konsen ia finis mo talem se sapos ol MAs wantem usum ol’ pleia we oli rejista long PVFA, oli mas pem wan fi.

President blong PVFA i askem VFF se i gud Nasonal Lik tunamen i blong ol’ new pleia blong ol MA’s i plei long hem mo leko ol top pleia i stap blong faenem new pleia blong tumoro.

“Las samting me wantem luk ol Nara 6 MA’s i respektem PVFA mo LFA.

“Oltaem fulap bikman blong futbol long ol MAs i talem se PVFA i flas nomo from ol pleia long aelan be me mas talem se sapos i no PVFA, bambai ol pleia ia i no save pefom from long sam MAs blong ol, ino kat kompitif futbol so plis rispektem PVFA.

“Taem Cavani i transfer i ko long klab blong England, hemi no PSG pleia ..hem register finis long England, so taem wan pleia i rejista long wan nara klab, i nomo pleia blong u.

“Plis rispektem PVFA,” Andrew Leong i talem.

Long olgeta narafala apdeit, VFF eksekutif mo Congress long Walaha, Ambae long yia ia i apruvum finis se bai ol MA i save rekrutim 7 pleia blong wan Memba Asosiesen blong stap long squad blong olgeta.

(0) comments

Welcome to the discussion.

Keep it Clean. Please avoid obscene, vulgar, lewd, racist or sexually-oriented language.
PLEASE TURN OFF YOUR CAPS LOCK.
Don't Threaten. Threats of harming another person will not be tolerated.
Be Truthful. Don't knowingly lie about anyone or anything.
Be Nice. No racism, sexism or any sort of -ism that is degrading to another person.
Be Proactive. Use the 'Report' link on each comment to let us know of abusive posts.
Share with Us. We'd love to hear eyewitness accounts, the history behind an article.