Auckland City FC i kwalifae blong FIFA Wol klab kap jampionsip

Brian Kaltak i wan long olgeta gud difenda blong Ausckalnd City FC. OFC

Vanuatu pleia, Brian Kaltak we i stap plei long Auckland City FC long Niu Zelan bambae i luk fowod blong save stap insaed long finol lis blong ol pleia blong save plei long FIFA Wol klab kap jampionsip.

Hemia i folem disisen we OFC eksekutif i mekem blong awodem Auckland City FC blong ko insaed long kompitisen ia.

PVFA i konfemem tu se sapos Kaltak i plei insaed long Intanasonal kompitisen ia, bambae i stap olsem wan histri tu blong Vanuatu futbol blong save gat wan fes pleia blong tek pat long tunamen ia.

Kaltak we i stap plei olsem wan difenda blong Vanuatu nasonal tim mo Auckland City FC, i bin soemaot gudfala pefomens wetem Auckland City FC kasem tedei mo i stap kontinu blong mekem fulap gud pefomens long fil.

Oceania Futbol Konfederesen (OFC) i konfemem se kwalifikesen blong Auckland City FC i kamaot long tingting blong luk se wanem tim nao i pefom gud insaed long las OFC jampionsip we OFC i bin kanselem folem COVID - 19 restriksen.

ABM Galaxy FC mo Malampa Revivors FC nao oli bin ripresentem Vanuatu long taem ia.

Auckland City FC i bin stap long pul D mo i topem pul wetem 9 poen mo i nogat poen we i kasem long gol blong hem.

Long wan stetmen long sosel media, Port Vila Futbol Asosiesen (PVFA) i kam blong konkrajuletem foma PVFA mo foma Erakor Golden Star FC skilful difenda ia, Kaltak we i stap pefom gud tumas naoia wetem Auckland City FC long Niu Zelan.

PVFA i talem se Kaltak i stap soem long evri pleia se sipos hem i save plei gud long Auckland, ol’ nara pleia tu i save mekem.

PVFA i stap enkarejem evri pleia blong PVFA blong folem fut step blong Kaltak.

Bambae FIFA Wol klab kap jampionsip ia i tekem ples long Qatar, Saudi Arabia.

(0) comments

Welcome to the discussion.

Keep it Clean. Please avoid obscene, vulgar, lewd, racist or sexually-oriented language.
PLEASE TURN OFF YOUR CAPS LOCK.
Don't Threaten. Threats of harming another person will not be tolerated.
Be Truthful. Don't knowingly lie about anyone or anything.
Be Nice. No racism, sexism or any sort of -ism that is degrading to another person.
Be Proactive. Use the 'Report' link on each comment to let us know of abusive posts.
Share with Us. We'd love to hear eyewitness accounts, the history behind an article.