Dia Edita,

Follem tufala toktok we i stap long niuspepa long ol las wik, tank yu blong mi save mekem ol toktok ia:

New Gadget To Tackle High Infant Mortality Rate (11 Oktoba):

Ol i stap talem se 252 bebe i det evri ia, namba ia i bikwan tumas. Sapos yumi lukluk gud em i no nomo kolkol blong ol bebe ia we i mekem namba i ko antap…

- Long plante ples long ol aelan i no kat ol tru nes we ol i kasem training blong kam wanem ol i kolem Midwife o Sage Femme, spesel long ol mama i kat bel.

- I gud blong olgeta ol i ol woman from ol mama i laikem pas long wan woman pitim wan man.

- Klinik i mas kat ol samting we em i nidim: laet, wota, sisis, forcep, mersin…

- Ol i mas kat som badjet blong sendem wan mama blong ol i katem em taem ol i fainem se bae bebe i fatfat tumas. Long aelan yumi lusum fulap bebe from mama i no save karem gud mo bebe i det mo mama i sik bikwan.

- Long wan taem, polisi blong gavaman em i blong ol mama i karem bebe long ples we i kat ol staf blong helt be olsem wanem taem yu mas ko pass plante taem mo yu mas pem VT500 eij taem blong mekem wan gud foloap? From yu wan woman mo yu karem bebe? Andap long em,taem yu karem bebe, yu mas pem VT8000 mo mi no tokbaot praes blong transport…

Non-Pneumatic Anti-Shock Garment to Reduce Maternal Deaths (18 Oktoba):

Karem bebe i happen evri dei mo plante taem i no kat problem be wan mama i save det tu taem em i ko karem wan bebe. Long Vanuatu, urgent samting namba wan em i ol mama we i kat problem blong karem bebe, em i no ol aksiden blong trak… Tastewei, yumi kam bak long wanem mi jes talem andap: em i importen tumas se mama i mas ko pas long klinik: ies ol i no sik be bik problem i save hapen long mama o bebe blong em mo papa i mas sapotem mo helpem woman blong em. Long las sensus o kaontem pipol, we oli mekem long Vanuatu, yu save fainem olsem i kat araon 4 000 man pitim ol woman!

Bae tankiu tumas blong ol samting blong helpem ol mama mo bebe! No forget tu se ol i stap workem gud Maternity Wod blong Central Hospital: i no kam moa bikwan tumas be bae i kat ol gudfala ples blong karem bebe mo gud toilet mo ples blong swim!

Blong yu ol mama we i neva komplain!

AVIN

(0) comments

Welcome to the discussion.

Keep it Clean. Please avoid obscene, vulgar, lewd, racist or sexually-oriented language.
PLEASE TURN OFF YOUR CAPS LOCK.
Don't Threaten. Threats of harming another person will not be tolerated.
Be Truthful. Don't knowingly lie about anyone or anything.
Be Nice. No racism, sexism or any sort of -ism that is degrading to another person.
Be Proactive. Use the 'Report' link on each comment to let us know of abusive posts.
Share with Us. We'd love to hear eyewitness accounts, the history behind an article.