Dia Edita,

Yumi jes pasem dei we yumi tinkbaot Mama loa blong yumi long Vanuatu we i kat 41 ia. Mama Loa em i olsem birt sertifiket blong kantri ia Vanuatu mo em i pruvum se yumi kam togeta, mo yumi wan kantri long fes blong worl.

Long ONG Transparency Vanuatu, mifala i workem wan buk blong ol skul we i em explenem olsem wanem Konstitusen em i wok.

Buk i stap long Franis mo Inglis be mifala i translatem long Bislama blong pablik mo i kam: “Vanuatu, Raet mo Diuti blong mi em i Laef blong mi” mo wetem buk ia mo buk blong Konstitusem long Bislama, mifala i ronem ol worksop long planti eria blong Vanuatu, start long Banks kasem saot.

Emia long ol ia 2006 kasem 2009 mo a ting sam blong yufala i luk ol buk ia finis we ol i stap explenem olsewanem Konstitusen i wok.

Konstitusen em bilong long yumi, em wan kud wan from em i isi blong anderstandem.

Em i fes taem we mi ridim mo kasem gud wanem wan Konstitusen i tokbaot. Mama Loa ia, olsem ol i raetem long beginning blong em, em i pipol blong Vanuatu we i kivim long evri pipol blong Vanuatu baekegen. Tastewei, ol i mekem long wan wei we efriwan i save kasem wanem em i talem blong evriwan i save folo.

Pipol nao, ol i mas holem Konstitusem ia. Olsem emi stap tedei, em i klir i stap mo sapos i kat samting blong mekem, olgeta MP long Parlemen o loia nao ol i save adem ol arm mo leg blong em blong em i save work moa long fasin blong tedei, be oli no mas changem stamba blong em, no.

Ples we mi laikem tumas em i part 7, (h) mo (i) long pat 2- Ol impoten diuti we i talem olsem:

(h) “Long saet blong ol papa mo mama, tufala i mas sapotem, helpem mo tijim ol pikinini blong tufala, nomata sipos oli bon insaet o aotsaed long maret, mo blong mekem sua se ol pkinini ia oli save gud ol stamba raet mo diuti blong olgeta mo i stamba tingting we Gavman i stap traem blong winim mo ol kalja mo kastom blong ol pipol blong Vanuatu;

(i) long saet blong ol pikinini, oli mas respectem ol papa mo mama blong olgeta oltaem.”

Olsem President, Pastor Tallis Obed Moses i talem: “The Constitution is a sacred document” mo yumi mas praod from em i wan gud dokumen we yumi save anderstandem mo folo.

Mo long fasin blong kam gud sitisen, bae yumi save mekem laef emi gud mo tu, yumi save daonem korupsen mo mekem Kantri blong yumi i kam antap!

Blandine Boulekone

Ex ED, Transparency Vanuatu (2004-2010)

(0) comments

Welcome to the discussion.

Keep it Clean. Please avoid obscene, vulgar, lewd, racist or sexually-oriented language.
PLEASE TURN OFF YOUR CAPS LOCK.
Don't Threaten. Threats of harming another person will not be tolerated.
Be Truthful. Don't knowingly lie about anyone or anything.
Be Nice. No racism, sexism or any sort of -ism that is degrading to another person.
Be Proactive. Use the 'Report' link on each comment to let us know of abusive posts.
Share with Us. We'd love to hear eyewitness accounts, the history behind an article.