Dear Editor,

Sam samting abaot ol woman blong Vanuatu.

Sapos yumi ko bak lukluk long kalcha o kastom blong yumi, yumi save fainem olsem bifo i kat ol woman Chif long Vanuatu. Ies kasem tedei, long som aelan, ol woman ol i kontinu iet blong folo sekret fasin blong olgeta olsem ol man ol i stap mekem. Ol i stap pasem ol step blong Chif mo kasem som nem olsem long saet blong ol man. Long Vanuatu, pipol i fesem volcano, harekin, idkuek, solwota mo laef i mo hard bifo. Emia nao i mekem yu nidim blong komuniti i organais gud mo wan wan i mas mekem wan samting blong laef em i save kontinu, mo yumi save talem se pipol i “resilient” finis long long taem bifo…Fasin blong kastom ia i mekem tu se long som aelan blong yumi, graon i folo laen blong ol woman.

Abaot politik: mi save talem long ples ia se start long Independens i kam, plante woman fren blong mi, ol i traem blong standap long eleksen mo ol i ko bak askem long parti blong olgeta be wik afta wik, ia afta ia, i neva happen from parti i no wandem… Be hu i stap mekem ol aktiviti olsem akaonting, secretari, fundreising insaet long ol parti? Ol woman blong pati ia…Uniti we plante i tokbaot, em i hard tumas blong mekem: wan taem i kat pitim 21 parti we i standap long eleksen mo emia nao exempol we yumi save luk mo folo?.

Yumi jes kat 25 Novemba i pas we em i dei blong tingbaot violens agains woman, be yu save from wanem ol i chusum dei ia? Em i blong yumi rimenba tri woman, tri sista: ol sista Mirabal blong Dominicain Repablik we dictata Rafael Trujillo i kilim i det long 25 Novemba 1960 from ol i stap faet mo standap blong winim fridom blong kantri blong olgeta…

Hu i save talem se ol woman ol i no save mo no mas stap long Parlemen?

AVIN

(0) comments

Welcome to the discussion.

Keep it Clean. Please avoid obscene, vulgar, lewd, racist or sexually-oriented language.
PLEASE TURN OFF YOUR CAPS LOCK.
Don't Threaten. Threats of harming another person will not be tolerated.
Be Truthful. Don't knowingly lie about anyone or anything.
Be Nice. No racism, sexism or any sort of -ism that is degrading to another person.
Be Proactive. Use the 'Report' link on each comment to let us know of abusive posts.
Share with Us. We'd love to hear eyewitness accounts, the history behind an article.