Phoenix Program

Phoenix projek hemi fokas blo leftemap ekonomik rikavari tru long sapot we bae emi givim long ol woman we oli gat ol smol bisnis, tru long olgeta nao bai oli save lidim ekonomik rikavari long wanwan komuniti blong olgeta.

Ol woman bisnis ona we bai oli tek pat long prokram ya bambae lanem ol tul we bae save helpem olgeta lo taem naia we ekonomi blong yumi emi stap ko daon, mo tu blong sapotem olgeta long prokram ya blong save statem bisnis blong long Port Vila taon. Projek bae mekem yu tekpat long sesen blong helpem yu long laef, lanem bisnis skills mo pat long netwok developmen prokrams, lidasip trening mo kasem sam kash krant wea hemi blong bildimup bisnis blong yu. Wok ya bai stap ova lo 12 manis stat long Januari 2021.

Projek ya emi blong ol woman we oli gat ol smol bisnis raon long Port Vila, ol woman nomo bae oli ranem ol trening mo ol sesen long olsem wanem nao blo mekem wok lo wan ples we hemi sef mo givim pawa long ol woman patisipen. Projek ya bambae hemi setemap Vanuatu Women in Business Network we bae enkarejem ol woman patisipen blong oli setemap ol narafala netwok mo strongem woman lidasip insaed long ol komuniti blong yumi.

Ol risal blong prokram ya bae luk ol woman bisnis ona we oli tekpat bambae olgeta i gat moa hae kapasiti mo sakses blo manejem gud bisnis blong olgeta, bae olgeta bildimap lokal ekonomi mo impruvum save blong ol woman lidas insaed long komuniti. Wetem hemia bambai olgeta i save kontribute tu blong strongem komunities mo families blong oli save stanap olgeta nomo mo gro.

Hu nao bai aplae?

Bambai oli selektem ol woman patisipem bes long demonstresen we hemi majem olgeta folem ol kraeteria ia:

1. Ol woman Vanuatu we oli liv mo wok long Port Vila

2. Oli gat experiens blong ranem bisnis blong olgeta wea hemi stap go daon o stop folem situasen blong COVID-19.

3. Gat wan bisnis we emi bin gat ol wokman,

4. Gat save long bisnis we bamabi I lidim yu blong save kam wan sol treda o gat wan bisnis we emi gat ol wokman

5. Gat save blo read mo raet, mo

6. Oli save komit long wan ful dei blong evri week igo long projek ia we bae emi stap 30 wiks olsem blong aktiv kojing.

Hao blong aplae?

Komplitim aplikesen fom wea i stap long website hia: www.vcci.vu/phoenix-women/. O kam karem wan fom long VCCI ofis. Plis dropem fom long frant desk lo VCCI Ofis bifo o long 14th December 2020.

(0) comments

Welcome to the discussion.

Keep it Clean. Please avoid obscene, vulgar, lewd, racist or sexually-oriented language.
PLEASE TURN OFF YOUR CAPS LOCK.
Don't Threaten. Threats of harming another person will not be tolerated.
Be Truthful. Don't knowingly lie about anyone or anything.
Be Nice. No racism, sexism or any sort of -ism that is degrading to another person.
Be Proactive. Use the 'Report' link on each comment to let us know of abusive posts.
Share with Us. We'd love to hear eyewitness accounts, the history behind an article.