Futbol

Yatel oli selebretem poen las wiken

By Raymond Nasse

Port Vila Football Association Digicel relegesen maj blong 2017/2018 sisen las wiken i lukim Pango Green Bird FC mo Yatel FC oli kam blong mekem olgeta win.

Fes maj blong dei Pango Green Bird FC we hemi sekon las long klasmen blong fes divisen i kam blong pleiem rana ap long sekon divisen, Pango Green Bird FC.

Maj ia i lukim Pango hemi sko festaem thru long wan penalty kik, be i lukim Malampa hemi kam bihaen blong ikwalaes.

Taem we olgeta fan oli stap ekspektem wan dro, Pango hemi kam blong putum namba 2 poen mo semtaem winim maj ya long 2-1.

Win blong Pango i lukim oli mentenem spot blong olgeta long nekis sisen, 2018/2019.

Sekon maj blong dei, rana ap blong fes divisen Yatel FC hemi kam blong pleiem sekon las long premia divisen Siaraga FC.

Maj ia i lukim Yatel FC nao thru long straeka Mansen, we hemi risivim wan bol jas aotsaed long penalty box, we i lukim hemi tanem bak blong hem i kam long kipa, mo hemi kilim ded bol ya wetem chest blong hem i kam daon long graon, mo taem we kipa hemi stap bisi wetem fes post blong hem, Mansen i tanem hem mo sutum bol ia i go insaed long las post blong putum sko long Yatel 1 mo Siaraga 0.

Siaraga hemi gat plante janis blong save ikwalaes, be oli no save faenem gudfala finishing ya nomo.

Yatel tu oli gat plante janis blong putum moa poen, be oli no save konvetem olgeta janis ya nomo.

Follem regulesen, Yatel we hemi tim blong divisen we hemi daon i winim Siaraga long premier, i mekem se tufala i mas plei bageken long Wednesde wik ya long 3pm.

Siaraga sapos hemi wantem go thru mo mentenem spot blong hem long premia, i mas win long 2-0, be olsem maj las wiken i talem, Yatel bambae hemi no mekem i isi long Siaraga.

Las wiken Daily Sport i lukim olgeta fan blong Yatel i bin kam plante blong sapotem klab blong olgeta.

Raymond Nasse

Sports Editor

raymond@dailypost.vu

Tags

(0) comments

Welcome to the discussion.

Keep it Clean. Please avoid obscene, vulgar, lewd, racist or sexually-oriented language.
PLEASE TURN OFF YOUR CAPS LOCK.
Don't Threaten. Threats of harming another person will not be tolerated.
Be Truthful. Don't knowingly lie about anyone or anything.
Be Nice. No racism, sexism or any sort of -ism that is degrading to another person.
Be Proactive. Use the 'Report' link on each comment to let us know of abusive posts.
Share with Us. We'd love to hear eyewitness accounts, the history behind an article.