Football

Yatel i plei tede long 3pm

Olgeta outstanding maj blong dei 4 mo 5 blong Port Vila Football (PVFA) Association Digicel premia divisen hemi kik off long Tuesde wik ya.

From hemi olgeta aotstanding maj, i mekem se Port Vila Football i mas pleiem olgeta maj ya thru aot long wik ya.

Long Tuesde (yestede) wik ya Ifira Black Bird FC i pleiem Tupuji Imere FC, Daily Sport i go long print bifo risal i kamaot.

Tede long 3pm Yatel FC i pleiem Shepherds United FC.

Tufala tim i stap level long poen long klasmen naoia, wan we i win, hemi stap muv aot long relegesen zone, we i shud mekem maj blong tede hemi interesting.

Long Tasde long 3pm, Erakor Golden Star FC i pleiem BSP Amicale FC.

BSP Amicale naoia hemi stap long sekon ples long klasmen, oli wan long olgeta most improved tim long niufala sisen ya, mo bambae oli wantem win blong muv go kolosap long olgeta lida long klasmen, Tafea FC.

Long narasaed, Erakor we naoia oli staon laswan long klasmen, bambae oli wantem win blong traem muv aot long relegesen zone, we long wei we oli risal i stap go naoia, i gat bigfala janis se bambae oli save foldaon i go long fes divisen nekis sisen.

Klasmen naoia i lukim:

1. Tafea FC 15

2. BSP Amicale FC 9

3. Galaxy FC 8

4. Ifira Black Bird FC 6

5. Yatel FC 2

6. Tupuji Imere FC 2

7. Shepherds United FC 2

8. Erakor Golden Star FC 2

Raymond Nasse

Sports Editor

raymond@dailypost.vu

(0) comments

Welcome to the discussion.

Keep it Clean. Please avoid obscene, vulgar, lewd, racist or sexually-oriented language.
PLEASE TURN OFF YOUR CAPS LOCK.
Don't Threaten. Threats of harming another person will not be tolerated.
Be Truthful. Don't knowingly lie about anyone or anything.
Be Nice. No racism, sexism or any sort of -ism that is degrading to another person.
Be Proactive. Use the 'Report' link on each comment to let us know of abusive posts.
Share with Us. We'd love to hear eyewitness accounts, the history behind an article.