Warwick Hotel I fes kampani blong sapotem Erakor Golden Star from Jampions Lik

Maneija blong Hotel, Ali Serhan (r) I talem se Warwick I wantem kivim bak long komuniti. Tim Maneija blong Erakor, Donald Wanemut (l) I glad tumas lo faenansel sapot ia.

Jampion klab blong futbol long Vanuatu, Erakor Golden Star I resivim long wik ia Vt400, 000 I kam long Warwick Hotel long Port Vila.

Maneija blong Hotel, Ali Serhan I talem se Warwick I wantem kivim bak long komuniti mo I wishim Erakor Golden Star “all the best” long OFC Jampions Lik we bai oli hostem long Port Vila long nekis manis, February 2019.

Ali I talem se bai hotel blong Warwick bai I kivim ful sapot long tim taem oli play.

Long saed blong klab, Tim Maneija blong Erakor Golden Star, Donald Wanemut I talem bikfala tank yu I ko long Maneija blong Warwick Hotel long faenansel sapot blong Vt400,000 blong helpem klab blong save hostem wan gudfala kompetition.

Erakor Golden Star I stap long Pool C mo bai I play akensem Team Wellington FC blong New Zealand, BA FC blong Fiji mo rana ap blong Polynesian grup we bai oli statem kompetisen blong olgeta long manis ia.

Fes matj blong Erakor Golden Star bai oli fasem rana ap blong Polynesian Krup long 5 o’klok long aftanun long namba 23 Februari 2019, stret long Korman Stadium.

Tim blong Erakor I kontiniu long trening finis bifo Krismas kam kasem tedei.

Long wan nara nius, wan lokol bisnis haus long Port Vila, Bens Mark Vanuatu we oli stap survey graon long Vanuatu oli kivim faenansel sapot blong olgeta tu long klab tedei.

Ona blong kampani, Jerry Moli I talem se hem I klad blog sapotem wan tim ol Erakor we I representem Port Vila mo jampions lik mo stap inkarejem ol nara bisnis haus long Port Vila blong kivim sapot.

Wan long ol memba blong Lokol Okenaesing Komiti, Harry Atisson, I talem tu se I gud ol binis komuniti long Port Vila I kivim sapot long Erakor olsem Warwick Hotel mo Bens Mark Vanuatu I mekem from tim ia i representem Port Vila City mo kost blong hostem I bikwan lelebet.

(0) comments

Welcome to the discussion.

Keep it Clean. Please avoid obscene, vulgar, lewd, racist or sexually-oriented language.
PLEASE TURN OFF YOUR CAPS LOCK.
Don't Threaten. Threats of harming another person will not be tolerated.
Be Truthful. Don't knowingly lie about anyone or anything.
Be Nice. No racism, sexism or any sort of -ism that is degrading to another person.
Be Proactive. Use the 'Report' link on each comment to let us know of abusive posts.
Share with Us. We'd love to hear eyewitness accounts, the history behind an article.