AFL

From left,Kieron Kapea,Leonce Warsal mo Brian Malas

AFL (Australian Football League)Vanuatu bambae ,hemi sendem bageken long manis April long yia ia 2019, trifala U19 boys blong hem blong go tekem pat long AFL trening camp long Australia.

Trifala boys ia i gat,Leonce Warsal blong Santo hemi gat 16 yia mo hemi wan student blong Monmartre,Brian Malas blong Mele hemigkat 15 yia hemi wan student blong Melematt skul mo Kieron Kapea blong Ifira hemi gat 15 yia hem tu wan student blong Monmarte.

Seleksen Blong olgeta trifala ia i tekem ples long las yia taem oli bin part long U19 Oceania Cup 2018 we hemi wan annual even we i stap tekem ples long manis Disemba blong everi yia long Suva, Fiji.

Nomata we AFL Vanuatu hemi no statem olgeta program blong hem yet, follem longfala festive sisen ia,Daily Sports hemi manej blong toktok wetem program maneja blong AFL Vanuatu,Nancy Patterson,taem hemi stap konfemen nem blong trifala pleya ia,hemi pointem aut tu se hemi glad tumas we i lukim long yia ia i gat bigfala jenis long saed blong seleksen blong olgeta U-19 boys we bae oli ko tekem part long AFL trening camp ia long Australia. Hemi praod blong talem se hemi festaem we yia ia i lukim 3 U19 blong team Vanuatu bambae oli go long camp.

Patterson i talem se,”mi praod tumas long trifala pleia we oli selektem olgeta long ol gudfala pefomens blong olgeta long fil mo long tim mo ino jas abaot pefomens mo skill blong olgeta, be oli bin soem gudfala sportsmanship bihevia tu long fil we mi bin risivim olgeta positive komen i kam long South Pacific AFL Manager,Mr Ben Drew,about pefomens blong tim long 2018 Oceania Cup.

“Mi wantem enkarejem trifala boys blong kontiniu mentenem ol bihevia blong olgeta blong save adjivim kol we oli stap aim from. AFL Vanuatu i stap develop everi yia wetem gudfala komunikesen blong olgeta patisipen mo sapot blong ol parens mo olgeta sponsa’s we oli stap tekem pat insait long prokram blong mifala.Mi stap enkarejem any yangfala,pikinini,man mo woman we yu intres blong lanem wan niufala sport,AFL i stap ofarem olgeta prokram we yu save involvem yu wan long hem blong helpem yu wetem physikel helt blong yu mo kat fun insaed long community blong Aussie rules. 2019 will be a great year of footy in Vanuatu.”

Wetem hemia Patterson hemi adem tu se wetem patisipesen blong olgeta trifala pleya ia I lukim Brain mo Leonce i bin tekem pat long 2017-2018 South Pacific Oceania Cup long Fiji,mo Kieron i jes apia nao long 2018 AFL Oceania Cup las yia long Fiji.

Warsal, Malas mo Kapea bae oli ko tekem pat long trening kamp ia wetem wan niufala kotj we nem blong hem AFL Vanuatu bambae I jes konfem long nekis manis.

Mo long nara nius,AFL bambae hemi statem olgeta prokram blong hem blong mondei,nekis wik.Olgeta prokrams we bae oli ranem long yia ia hemi,pikinini kik prokram,fresh wota skul disapiliti prokram,junia competisen blong olgeta U12 mo U15,8 wik pikinini prokram every Sarere mo 8 wik senia kompetisen blong ol boy mo gel ,we hemi wan prokram we AFL Vanuatu i planem blong wok tru long hem long yia ia.

Sapose yu we yu gat interest or yu wantem pututm pikinini blong yu blong joen,u save kolem namba ia 5566822 blong moa infomesen.

(0) comments

Welcome to the discussion.

Keep it Clean. Please avoid obscene, vulgar, lewd, racist or sexually-oriented language.
PLEASE TURN OFF YOUR CAPS LOCK.
Don't Threaten. Threats of harming another person will not be tolerated.
Be Truthful. Don't knowingly lie about anyone or anything.
Be Nice. No racism, sexism or any sort of -ism that is degrading to another person.
Be Proactive. Use the 'Report' link on each comment to let us know of abusive posts.
Share with Us. We'd love to hear eyewitness accounts, the history behind an article.