Futbol

(L-R) Kohei Matsumoto mo Yuki Ohtsuka wetem Malamap Revivors koj, Kaison Maki long fes eva trening sesen long Teouma Academy

Malampa Revivors FC oli gat janis blong welkamem long Tasde, 2 Waitakere United pleia we bambae oli helpem Vanuatu jampion klab ya long OFC Champions League kampen blong hem long New Caledonia.

Kohei Matsumoto mo Yuki Ohtsuka oli mekem sekon trening sesen blong olgeta wetem Malampa Revivors long yestede long moning long Academy, bifo oli go breakfast long The Melanesian.

Matsumoto hemi gat 29 yia mo hemi wan straeka, be hemi save plei tu long eni posisen insaed long fil.

Matsumoto hemi karem wetem hem wan longfala laen blong intanasonal mo profesonol eksperiens.

Hemi statem Youth Career blong hem long Chelsea FC long England, mo hemi bin plei long Brisbane Roar long A League mo naoia hemi stap long Waitakere United.

Ohtsuka hemi wan attacking midfilda, we i save plei winger tu mo hemi gat 25 yia.

Tufala i kam wetem wan mesej se bambae oli help blong karem Malampa Revivors i go long sekon raon.

Namba 3 pleia we hemi no kam yet hemi wan difenda, Shohei Moriyasu, hemi gat 27 yia.

Moriyasu hemi boe blong nasonal koj blong Japan naoia, Hajime Moriyasu.

Kaming blong olgeta pleia hemi thru long komplimen blong agent blong olgeta we i lukim olgeta nomo oli pem rod blong olgeta i kam mo The Melanesian hemi sponsa long akomodesen thru long boss blong olgeta we hemi wan Japanese, Hiro Osuka.

Alawens mo transpotesen mo oli samting, Memba blong Palamen blong Luganville Marc Ati hemi kam blong lukluk olsem ‘Platinum Sponsa’ blong klab.

I gat Port Vila Organizing Committee we Presdent blong Vanuatu Football Federation, Lambert Maltock, hem tu i stap insaed, olsem president blong Malampa Football Federation.

I gat sam nara sponsa olsem Vanua Printing we olgeta tu oli step in blong mekem hemia i happen.

Raymond Nasse

Sports Editor

raymond@dailypost.vu

(0) comments

Welcome to the discussion.

Keep it Clean. Please avoid obscene, vulgar, lewd, racist or sexually-oriented language.
PLEASE TURN OFF YOUR CAPS LOCK.
Don't Threaten. Threats of harming another person will not be tolerated.
Be Truthful. Don't knowingly lie about anyone or anything.
Be Nice. No racism, sexism or any sort of -ism that is degrading to another person.
Be Proactive. Use the 'Report' link on each comment to let us know of abusive posts.
Share with Us. We'd love to hear eyewitness accounts, the history behind an article.