Futbol

Azariah Soromon i stap selebretem ikwalaesa agensem New Caledonia las wiken

Wetem dro blong Oceania Football Confederation 2019 Champions League i komplit, President blong Oceania Football, Lambert Maltock i askem tufala Vanuatu klab jampion blong stat pripea naoia.

“Message blong mi igo lo Erakor GS FC mo Malampa Revivors FC, mi humbly askem olsem VFF President blong yufala i mas startem priperesen naoia. Erakor FC bambae i gat wan biggest challenge long history blong hem be hemi gud from bambae hemi long home graon mo mi sua se Port Vila Football Association mo everi club blong hem spos oli cooperate gud oli save mekem yumi proud bageken olsem Nalkutan FC i bin mekem.

“Malampa Revivors FC bambae i travel smol distens go long second home blong ol man Vanuatu, New Caledonia. Hemi i min se bambae i kat inaf support long we and as yu stap long wan gudfala group, olgeta i kat everi janis blong mekem i go second stage. But yu mas preperem yu gud start naoia.

“Mi bilivim strong long draw we mi mekem mo mi sua se bambae ikat blessing long hem.

“Bambae mi prea blong yufala oltaem kasem end blong road blong we bambae yufala karem Vanuatu igo kasem long hem.

“Bon courage mo God i stap wetem yufala,” President blong Vanuatu Football Federation (VFF) mo semtaem President blong Oceania Football Confederation, Maltock i talem.

President blong Port Vila Football Association, Stephen Felix long narasaed hemi welkamem nius blong dro ya mo hemi mekem wan kol i go long tufala klab blong statem olgeta preperesen naoia wetem help blong Vanuatu Football Federation.

“Mi stap askem everi klab blong wok tugeta mo Erakor we bambae hemi representem Vanuatu mo Port Vila Football blong mekem yumi PVFA i praod,” Felix i talem.

Long nara nius blong futbol Vanuatu hemi dro las wiken wetem New Caledonia long 2-2, afta we Jeffery Bob mo Azariah Soromon oli skorem fes senior gol blong olgeta.

Long Port Vila Stadium las wiken Yatel i dro wetem Galaxy long 2-2 mo Tafea i ekstendem lid long klasmen wetem wan 5-0 win ova Erakor.

Raymond Nasse

Sports Editor

raymond@dailypost.vu

(0) comments

Welcome to the discussion.

Keep it Clean. Please avoid obscene, vulgar, lewd, racist or sexually-oriented language.
PLEASE TURN OFF YOUR CAPS LOCK.
Don't Threaten. Threats of harming another person will not be tolerated.
Be Truthful. Don't knowingly lie about anyone or anything.
Be Nice. No racism, sexism or any sort of -ism that is degrading to another person.
Be Proactive. Use the 'Report' link on each comment to let us know of abusive posts.
Share with Us. We'd love to hear eyewitness accounts, the history behind an article.