Futbol

Vanuatu intanasonal mo Galaxy FC midfilda, Barry Mansale, yestede moning bifo oli stap flae aot. Photo” Barry Mansale Facebook

Wetem Nasonal tim hemi stap naoia long Honiara, Solomon Islands, blong plei wan intanasonal frenli long Mande nekis wik oli flae aot yestede long moning anda long niufala Hed Koj David Munster.

President blong PVFA, Stephen Felix long email we hemi sendem i go long Teknikol Dipatment blong Vanuatu Football Federation, hemi talem se olgeta pleia oli kam infomem PVFA Ofis long namba 11 March se bambae oli i stap go long camp long Teouma Academy from wan intanasonal frenli wetem Solomon Islands.

PVFA President i talem se from VFF i no bin arenjem wetewm PVFA blong letem olgeta klab i awea long intanasonal frenli ya, from hemia olgeta klab president insaed long PVFA oli komplen long hem bigwan, from VFF i no rispektem olgeta mo karem aot fokas blong olgeta long klab, mo i spoilem komitmen blong olgeta long impoten sekon leg blong jampionship ya.

Felix hemi talem se oli no rispektem ofisol sponsa Digicel mo PVFA from:

1- No konsaltem PVFA blong faenem aot se amas pleia oli save joenem nasonal tim

2- Isiu ya i lukim PVFA hemi bin sabmitim wan fomal rikwes blong rilis blong olgeta pleia we olgeta PVFA klab oli onem

3- Olgeta klab blong PVFA oli no rilisim tu olgeta pleia from nasonal duty

4- VFF i no mekem eni fomal rikwes blong olgeta klab i rilisim olgeta pleia

5- PVFA i jas draftem wan program blong nekis 5 wik, we VFF Competition Manager nao hemi bin draftem mo olgeta i apruvum

6- Taem we olgeta i apruvum program ya, oli bin agri long miting se bambae i nogat eni moa janis long program ya, we naoia lukluk i stap se bambae i jenis bageken.

PVFA President hemi mekem i klia tu se plante long olgeta pleia oli stap anda long kontrak mo klab blong olgeta i pem alawens blong olgeta, mo naoia wetem dilei blong jampionship bageken, olgeta sponsa bambae oli mekem olgeta ‘uneseseri spending bageken.

Felix hemi se nomata long isiu ya, PVFA hemi disaed we bambae olgeta i gohed long olgeta program nomo olsem we oli bin apruvum i stap, mo hemi stap rikomendem blong VFF hemi faenem wan faenansol kompensesen i go long olgeta pleia from nasonal duty.

President blong Tafea FC, George Iapson i kollem Daily Sports long Tuesde aftanun blong talem se Tafea FC hemi stap stoppem everi pleia blong no pat blong nasonal tim, from oli gat impoten maj blong olgeta long wiken wetem Erakor Golden Star FC, we bambae i diteminim lida long klasmen, we naoia hemi priority blong klab.

Galaxy FC President, Andrew Leong hemi talem se sam longf olgeta pleia blong hem oli wok, be i neva gat wan leta i kam long wok ples blong olgeta se bambae olgeta oli aot go long nasonal duty.

Leong i talem se VFF i wantem tijim rispek insaed long fil, be i mas gat rispek tu aotsaed long fil.

Leong i askem long VFF blong mas mekem gud wok nekis taem, from olgeta wok we oli mekem i stap riflektem long niufala Oceania Football Association President, Lambert Maltock.

VFF Teknikol Daerekta, Pita Takaroko, hemi talem se hemi andastan se VFF hemi bin pass thru long stret rod blong askem olgeta klab blong rilisim olgeta pleia blong olgeta.

Takaro se hemi tekem taem blong niufala koj i identityem olgeta raet pleia, i mekem se las wik ya nao wetem olgeta 4 maj, Hed Koj Munster hemi kam blong identifyem olgeta pleia we naoia oli stap long nasonal tim.

Takaro hemi se hemi apolojaes from hemia, mo bambae VFF mo PVFA bambae i wok moa klosap long fiuja blong mekem hemia i nomo happen.

Raymond Nasse

Sports Editor

raymond@dailypost.vu

(0) comments

Welcome to the discussion.

Keep it Clean. Please avoid obscene, vulgar, lewd, racist or sexually-oriented language.
PLEASE TURN OFF YOUR CAPS LOCK.
Don't Threaten. Threats of harming another person will not be tolerated.
Be Truthful. Don't knowingly lie about anyone or anything.
Be Nice. No racism, sexism or any sort of -ism that is degrading to another person.
Be Proactive. Use the 'Report' link on each comment to let us know of abusive posts.
Share with Us. We'd love to hear eyewitness accounts, the history behind an article.