Afta long wan 2 dei trial blong olgeta seleksen blong Northern Region Academy mo Port Vila U19 seleksen, olgeta panel blong seleksen i bin faenem i had blong mekem wan faenol seleksen from i bin gat wan gudfala setap mo olgeta pleia long tugeta saed i aotstanding tumas.

Long fes maj blong tufala saed ia, tufala i dro long 1-1 mo long las maj Northern Region Academy i kam blong winim long 3-1.

Follem proses blong seleksen, i bin had tumas blong mekem wan faenol seleksen, i mekem se long Fraede i kam ya i bin lukim plante nius i kam araon se i nogat eni fea seleksen ya, iven long sosol media i gat smol nius i kamaot se pleia ia hemi shud mekem seleksen mo from wanem risen.

Wan nara isiu we i bin stap hot long Fraede i kam hemi oli klem se oli mekem seleksen follem passport, whoever i nogat passport hemi no mekem seleksen nomata we yu wan gudfala pleia.

Daily Sport i kasem Vanuatu Football Federation (VFF) mo ofis ia i sakem aot everi toktok mo oli talem se proses blong seleksen hemi fea nomo.

Hemia nao faenol skwad blong Vanuatu U19 we bambae oli go plei long 2018 OFC U19 Championship long Tahiti nekis manis:

Dgen Leo

Tarilolo Hinge

Lorenzo Sebastien Obed

Junior Charles Bule

Julio Claude Vahirua

Tom Saksak

Jordy Tasip

Presley Alick

Jean-Claude Batick

Ronaldo Wilkins

Jayson Tari

Nelsin Rawor

Brian Oswel Tari

Abet Vanva

Rhydley Napau

Jack Willie

Zidane Maguekon

Anthony Peli

Micah Tommy

Joshua Willie

Raymond Nasse

Sports Editor

raymond@dailypost.vu

(0) comments

Welcome to the discussion.

Keep it Clean. Please avoid obscene, vulgar, lewd, racist or sexually-oriented language.
PLEASE TURN OFF YOUR CAPS LOCK.
Don't Threaten. Threats of harming another person will not be tolerated.
Be Truthful. Don't knowingly lie about anyone or anything.
Be Nice. No racism, sexism or any sort of -ism that is degrading to another person.
Be Proactive. Use the 'Report' link on each comment to let us know of abusive posts.
Share with Us. We'd love to hear eyewitness accounts, the history behind an article.