Luganville Football Association (LFA) hemi bin kikim off jampionship blong hem las wiken afta we i lukim i bin gat 3 premier division maj i tekem ples long Luganville Soccer City Stadium.

Fes maj blong dei i lukim Tafea FC hemi kam blong winim Torba United long 3-0.

Plante long olgeta fans las wiken oli bin lukim Tafea FC i pruvum from wanem bambae hemi wan tim blong wajem long sisen ya taem oli dominetem maj long stat kasem faenol wisel, mo sapos olgeta i bin stap kapitolaes long olgeta janis blong olgeta bambae namba ya i shud go antap.

Sekon maj blong dei, LFA premier division hemi luk bageken wan long olgeta biggest sko laen we oli karem iet sins las sisen, taem i lukim Santos FC i kam blong winim AS Concorde long 12-1.

Las maj blong dei Vaum United we oli olgeta longtaem ‘rival’ blong olgeta LFA jampion we oli jas kambak long Oceania Champions League long New Zealand, Malampa Revivors, oli wok ekstra had blong sutum daon olgeta jampion blong LFA long 3-2.

Jeaman blong LFA tunamen Komiti, John Kevu hemi kamaot blong imfomem everi klab president blong olgeta klab we oli afiliet wetem LFA, blong go kolektem kalenda blong 2017 sisen blong LFA Jampionship long ofis blong LFA long Soccer City Stadium.

LFA bambae hemi ranem olgeta jampionship maj blong hem long everi Wednesde mo Sarere.

Hemia nao klasmen blong premia divisen afta long dei 1.

1- Santos FC 3

2- Tafea FC 3

3- Vaum United FC 3

4- Shepherds United 0

5- Melstone FC 0

6- Malampa Revivors FC 0

7- Torba United FC 0

8- AS Concorde FC 0

Raymond Nasse

Sports Editor

raymond@dailypost.vu

(0) comments

Welcome to the discussion.

Keep it Clean. Please avoid obscene, vulgar, lewd, racist or sexually-oriented language.
PLEASE TURN OFF YOUR CAPS LOCK.
Don't Threaten. Threats of harming another person will not be tolerated.
Be Truthful. Don't knowingly lie about anyone or anything.
Be Nice. No racism, sexism or any sort of -ism that is degrading to another person.
Be Proactive. Use the 'Report' link on each comment to let us know of abusive posts.
Share with Us. We'd love to hear eyewitness accounts, the history behind an article.