VASANOC blong hostem fes eva Vanuatu Sports Awards

Komiti blong Vanuatu Sports Awards

Long yia ya VASANOC hemi fomem wan komiti blong wan fes eva Vanuatu Sports Award we VASANOC wetem patnaship wetem Gavman, bambae oli hostem.

“Award hemi blong yumi selebretem olgeta ajivmen blong olgeta spot man mo woman, espeseli sins afta we yumi jas hostem wan saksesful Pacific Mini Games mo wan saksesful Commonwealth Games,” Julia King i anaonsem.

“Sports Award hemi wan nara wei blong yumi save talem tankio long kontribusen blong fulap long olgeta spot man mo woman mo olgeta administreta,” VASANOC CEO, Henry Tavoa i talem.

“Long bifo i kam sem kaen ivent olsem olgeta Federation mo klab oli stap hollem olgeta kaen event olsem, be hemia bambae hemi wan nasonal spots awod.

“Fulap pipol bifo i kam we oli stap involve long sports oli no even karem wan smol tankio, hemi wan samting we taem bambae olgeta athlete blong tede sapos oli leko spot long fiuja i go bambae oli stil fil se spot long wantaem i rekognaesem olgeta, mo bambae olgeta i kontiniu yet blong sapotem spots,” Tavoa i talem.

Tavoa hemi talem se hemi wan samting we VASANOC gat insaed long Straregy Plan blong hem blong 10 yia nao, mo tede hemi glad se olgeta i gat manpawa blong save mekem hemia i happen.

Venue blong event bambae oli hollem long Korman Stadium long Sarere namba 30 March, wetem komplimen blong Ministry blong Yut mo Spot.

Awards bambae rekognaesem olgeta man semak olsem olgeta woman, we min se bambae i gat Male Sports Peroson of the Year semak wetem wan Female Sports Award of the year.

Bambae i gat wan total blong 11 Award blong oli givimaot long naet ya mo bambae i gat 5 key judges long taem ya, we bambae oli kamaot long Gavman, Praevet Sekta, NGO, VASANOC mo Media.

I gat plan i stap blong mekem se event ya bambae hemi stap olsem wan annual event.

Raymond Nasse

Sports Editor

raymond@dailypost.vu

(0) comments

Welcome to the discussion.

Keep it Clean. Please avoid obscene, vulgar, lewd, racist or sexually-oriented language.
PLEASE TURN OFF YOUR CAPS LOCK.
Don't Threaten. Threats of harming another person will not be tolerated.
Be Truthful. Don't knowingly lie about anyone or anything.
Be Nice. No racism, sexism or any sort of -ism that is degrading to another person.
Be Proactive. Use the 'Report' link on each comment to let us know of abusive posts.
Share with Us. We'd love to hear eyewitness accounts, the history behind an article.