Vanuatu U20 tim we naoia oli stap long 2 manis trening camp long New Zealand, oli gat wan sapraes invitesen long yestede taem we i lukim Pascal Vahirua, foma franis intanasonal, we naoia hemi assistant koj blong AS Tefana, hemi tenap long trening graon yestede blo karem olgeta long wan spesel trening program we hemi drawem ap.

Long trening sesen Vahirua hemi talem se hemi praod long Vanuatu olsem wan aelan nesen we kwalifae from FIFA World Cup.

Vahirua hemi talem aot long olgeta boe se hemi biliv se yumi olgeta aelan nesen i save mekem wan impak long World futbol sapos yumi yusum hed blong yumi plante, from skill yumi gat be mentally nao yumi mas wok plante long hem.

Foma Franis intanasonal ia hemi talem long olgeta yangfala ya se ‘focus’ nao hemi ‘key’. Vahirua i advaesem olgeta yangfala ia se sakses blong wan maj hemi dipen plante nao long 100% ‘focus’ insaed long green spes long fil, be i no aotsaed long fil.

Yestede tu i lukim niufala Condtioning Coach blong tim David Baltase, wan man Franis, hemi kam joenem tim.

Vahirua hemi plei 22 taem wetem Franis nasonal tim mo hemi pat blong seleksen we oli pleiem European Cup long 1992 mo hemi pleiem profesonol futbol karia blong hem wetem AJ Auxerre.

Vahirua tu hemi plei wetem AJ Auxerre kasem semi faenol blong UEFA Champions League long 1992-1993 season taem oli lus long penalty wetem Borrussia Dortmund.

Raymond Nasse

Sports Editor

raymond@dailypost.vu

(0) comments

Welcome to the discussion.

Keep it Clean. Please avoid obscene, vulgar, lewd, racist or sexually-oriented language.
PLEASE TURN OFF YOUR CAPS LOCK.
Don't Threaten. Threats of harming another person will not be tolerated.
Be Truthful. Don't knowingly lie about anyone or anything.
Be Nice. No racism, sexism or any sort of -ism that is degrading to another person.
Be Proactive. Use the 'Report' link on each comment to let us know of abusive posts.
Share with Us. We'd love to hear eyewitness accounts, the history behind an article.