Vanuatu U17 we oli stap plei long Stade Mahina long Papeete, Tahiti, hemia long Oceania Football Confederation U17 World Cup Qualifier, oli kam blong sekiurum fes poen blong olgeta long klasmen blong Group A, afta oli dro long 3-3 wetem Papua New Guinea (PNG).

Papua New Guinea nao hemi openem sko long namba 16 minit thru long straeka, Aben Pukue, we i lukim Vanuatu kipa, Joshua Willie i no save stoppem nomo.

Long namba 20 minit, Willie i go aotsaed afta long wan injury mo Vanuatu i yusum risev kipa, Dgen Leo.

Ikwalaesa i kamaot long namba 25 minit taem we wan ‘loose’ bol insaed long penalty box, PNG difens i feil blong kliarem mo Dilland Ngwele i tapem bol ia i go insaed long net.

Jas bifo tufala i go long haf taem, Papua New Guinea i makem wan moa blong putum sko long haf taem long 2-1 long feva blong PNG.

Long sekon haf, long namba 50 minit, Albert Vanva hemi ikwalaes.

PNG hemi makem namba 3 poen long 81 minit, mo Vanuatu thru long kapten, Zidane Maguekon, hemi konvetem wan fri kik long namba 83 minit, blong putum sko long full taem long 3-3.

Vanuatu U17 Tim Maneja, hemi talem se nomata long risal olgeta i hapi long risal tede.

“Sapos olgeta boe oli stik long gem plan bambae sko laen i jenis, be mi hapi,” Tim Maneja, Mathew Temar.

“Hemi wan gudfala ‘progress’ blong tim, nomata we mifala i still shot long 5 pleia we dokta i no kliarem olgeta blong plei long tufala fes maj, be mi hop se bambae long maj wetem New Caledonia, bambae olgeta i save plei.”

Wan ‘emotional koj, Rocky Neveserveth hemi talem long Daily Sport se hem hemi still biliv se olgeta i save mekem moa gud long hem ya.

“Olgeta boe oli gat ‘fighting spirit’, be mifala askem olgeta prayer from olgeta fren mo family blong olgeta boe mo family blong futbol long las maj wetem New Caledonia.

“Bambae mi korektem olgeta mistek blong maj tede, blong mekem tim i redi from las maj,” Koj Neveserveth i talem.

Kojing tim we hemi go daon mo manejmen hemi festaem eva we oli tekem pat long wan rijinol ivent olsem mo koj Neveserveth i talem long Daily Sport se long hem, tede hemi wan win finis long olgeta, from sapos oli lukluk gud, Papua New Guinea hemi gat wan gudfala preperesen oli go kasem New Zealand mo go long Tahiti, kompea long Vanuatu we oli gat spendem smol taem nomo tugeta olsem wan tim.

Long yia ia olgeta grand faenolist blong tunamen ya bambae oli kwalifae darek i go long FIFA U17 World Cup long manis Oktoba yia ia long India.

Raymond Nasse

Sports Editor

raymond@dailypost.vu

(0) comments

Welcome to the discussion.

Keep it Clean. Please avoid obscene, vulgar, lewd, racist or sexually-oriented language.
PLEASE TURN OFF YOUR CAPS LOCK.
Don't Threaten. Threats of harming another person will not be tolerated.
Be Truthful. Don't knowingly lie about anyone or anything.
Be Nice. No racism, sexism or any sort of -ism that is degrading to another person.
Be Proactive. Use the 'Report' link on each comment to let us know of abusive posts.
Share with Us. We'd love to hear eyewitness accounts, the history behind an article.