Vanuatu

Hed blong Stet, Baldwin Lonsdale mo VFF President, Lambert Maltock oli ofisoli handem ova Cup i go long olgeta niu Four Nations Friendship Cup wina tim kapten, Brian Kaltak

Wetem tu wik nomo i stap bifo Pacific Games long Papua New Guinea, Vanuatu U23 i stap stakem klem blong hem hem olsem wan long olgeta taetol kontenda from gold medol, taem oli kam blong klemem fes eva Four Nations Friendship Cup taetol wetem wan 1-0 win ova long Fiji.

Fes maj blong dei, olgeta silver medolist, New Caledonia oli kam blong winim Solomon Islands long wan sko blong 3-0.

Fes maj blong olgeta i kamaot long namba19 minit, taem we Shaffy Mandaoue, hemi kasem wan bol insaed long penalty box mo hitim wan low bol i go bitim Solomon kipa, Philip Mango mo go insaed long net.

Fes haf i finis mo Solomon i stap lid long 1-0.

Sekon haf i stat, stret long namba 58 minit, Nathanael Hmaen, hemi risivim wan bol insaed long box ‘unmarked’ mo hemi sendem low bol ia i go insaed long net blong Mango.

Taem we Solomon i stap push blong sko long fored wetem olgeta midfil mo straeka long fored oli leko medel i fri i mekem se wan kaonta atak long namba 85 minit, i lukim Leon Wahnawe i silim viktri blong New Caledonia, we oli ol reigning Pacific Games jampion.

Las maj blong dei we hemi stap olsem wan faenol, from sapos either wan long tufala tim ia i win bambae hemi save winim tunamen ia.

Vanuatu nao oli dikteitem full maj ia mo i lukim only poen blong maj ia i kamaot stret long namba 38 minit, taem we Vanuatu kapten, Brian Kaltak, hemi konvetem wan penalty.

Tim Maneja blong Vanuatu, Lorrence Sisi, hemi talem long Daily Spot afta long maj se tim i no save win witaot olgeta sapota, we oli givim olgeta positif sapot mo tingting long tim, mo hemi talem tankio long heart blong everiwan we oli kam sakem smol mane blong gate we bambae hemi helpem tim long Games long nekis manis.

Sisi hemi talem se wetem historic viktri ia we i lukim hemi fes eva rijinol futbol tunamen long kaontri we Vanuatu i winim kompea long ol past tunamen.

“Wetem win blong yumi tede ia, hemi stap paintem wan pikja finis olsem wanem Vanuatu bambae hemi pefom, nekis manis long Papua New Guinea,” Sisi i talem.

Raymond Nasse

Sports Editor

raymond@dailypost.vu

(0) comments

Welcome to the discussion.

Keep it Clean. Please avoid obscene, vulgar, lewd, racist or sexually-oriented language.
PLEASE TURN OFF YOUR CAPS LOCK.
Don't Threaten. Threats of harming another person will not be tolerated.
Be Truthful. Don't knowingly lie about anyone or anything.
Be Nice. No racism, sexism or any sort of -ism that is degrading to another person.
Be Proactive. Use the 'Report' link on each comment to let us know of abusive posts.
Share with Us. We'd love to hear eyewitness accounts, the history behind an article.