Tennis pic

Yoshua Shing blong Vanuatu

Richard Nanua

Vanuatu tennis mo table tennis hemi bin mekem gud long day 1 blong Mini Gem ya afta we i lukim olgeta atlet blong disiplin ya oli kam blong winim ol fes maj blong olgeta.

Long saed blong ol man Aymeric Mara hemi kam blong winim fes match blong hem akensem Manutapu Alfaio blong Tuvalu long tu sets.

Long fes set Mara hemi bin winim Alfaio long wan sko blong 6 – 0 mo hemi continue blong mentenem strength ya long seken set mo downem oponen blong hem long 6 – 2.

Next match hemi bin wan gudwan tu blong Vanuatu we I lukim Cyril Jacobe hemi kam blong kilim Gavin Jakope long tu set.

Long fes set Jacobe hemi outclasem Jakope long wan sko blong 6 – 1 mo winim set namba tu long 6 – 0.

Long saed blong ol double male, Clement Mainguy mo Lorenzo Pineda tufala I kam blong putum daon Falealoto Sokomani wetem Simentualigi blong Tuvalu long tu set.

Tufala set tugeta Vanuatu hemi bin winim long 6 – 0.

Haf blong ol kems ya ino bin gohed from bigfala rain we I bin foldaon mo mekem ol court I fulap long wota.

Long saed blong ol woman table tennis Tommy Pricila hemi kam blong winim opponen blong hem blong PNG we hemi Chris Idau Boni long tri sets.

Veteran blong tebol tennis pleia we hemi bin stap representem Vanuatu longtime finis ikam, Anolyn Lulu Flyn, hem tu hemi winim Chris Loa Mabel blong PNG long tri set.

Tommy Priscila hemi winim Mabel bakeken long tri sets mo Flyn hemi putum down Boni long tri set.

Long saed blong ol boy, Lulu Ham Frexly, Shing Yoshua Jordan wetem William Randy oli kam blong winim ol oponen blong olgeta blong Tuvalu long tri set each.

Tede bae ikat ol matches bae oli kohed long tenis kot mo tebol tennis mo long Wednesday bae hemi ol finals blong ol male team.

Comiti blo Van2017 we I lukaotem tebol tenis hemi talem se long Wednesday bae I kat ol presentation ceremony stret afta long ol men’s final.

(0) comments

Welcome to the discussion.

Keep it Clean. Please avoid obscene, vulgar, lewd, racist or sexually-oriented language.
PLEASE TURN OFF YOUR CAPS LOCK.
Don't Threaten. Threats of harming another person will not be tolerated.
Be Truthful. Don't knowingly lie about anyone or anything.
Be Nice. No racism, sexism or any sort of -ism that is degrading to another person.
Be Proactive. Use the 'Report' link on each comment to let us know of abusive posts.
Share with Us. We'd love to hear eyewitness accounts, the history behind an article.