Vanuatu-Para Sport hemi mekem histri long Arafura Games

Vanuatu Para-atlite team krup photo wetem tufala bronze medalist, yestete lo foret blong Vasanoc haus..

 Vanuatu Para-sport team hemi kasem bak kantry long yestete afternun wetem Vanuatu Paralympic President,Magret Macfarlen afta we oli bin ko tekem pat long Arafura 2019 games,Darwin Australia long sait blong para-athletics.

Olgeta athletes ia I kat,Elie Enock wemi winim bronze medal long woman’s seated javline long wan tro blong 10.86m(hem i stap yet long Australia),Mathias Nakat hem tu I karem wan silver medal long 800m sprint medley mo ken Kahu hemi winim wan silver medal long mens ambulant javline long wan tro blong 47.60m,we hemi rankem hem namba 4th long wol rikod mo long semtaem hemi qualifaem hem blong ko long 2020 Paralympic games long Tokyo Japan long manis blong okis kasem septemba nekis yia.

Vanuatu Paralympic President,Macgret Makfarlen hemi talem se,”Arafura games hemi wan pikfala kompetisen,hemi no wan isi wan,I kat wan total blong 45 kantries we oli tekem pat wetem wan total blong 1500 atlits mo I kat 17 difren sport lo Arafura Games,so kompetisen level hemi hae,mi ting se hemi pitim fulap kompetisen raon long pacific,long stantet blong hem mo mi very praod long team,5fala,Elie Enock,Mathias Nakat,David,Ken Kahu mo George Langa.Hemi orait sapose u hangem medal or rope raon long nek blong yu,be tu hemi wan pikfala samting taem every team long Arafura Games oli kam mo singaotem mi mo talem se team blong mi hemi soem gud sports manship,manners blong hem hemi gud.So hemia hemi leftemap nem blong Vanuatu wetem adjifments blong hem wetem medals be tu wetem sportsmanships blong hem.”

Daily sports hemi kat Janis tu blong save kwestenem President blong Paralympic committee,abaut Arafura games wetem Pacific games long samoa,lo lukluk we Arafura games hemi pikafala kompetisen I pitim Pacific games,be wanm nao lukluk blong para sport taem 3fala I mekem histry blong winim 2 silver mo 1 bronze long Arafura?President hemi kam bak wetem ansa blong hem se hemia hemi olsem wan gudfala priperesen blong Samoa games,bae team hemi putum wan gudfala pefomens long Pacific games,be bifo hemia bae taem hemi tekem pat tu long Provinsol games long Tanna hemia long manis ia.

Chief Executive Ofisa(CEO) blong Vasanoc,Mr Hendry Tavoa hemi talem se,”Arafura games hemi wan strong kompetisen I bitim Pacific Games,mo hemi wan kompetisen we hemi bin stap kohet long samfala yia i pass,mi rimemba nomo we Vanuatu hemi bin tekem pat long hem nomo long wheel jea tennis,be hemia hemi festaem eva long histri blong Vanuatu,long Arafura games yumi winim ol fesfala medals blong yumi,congratulation long Magret mo Jessica mo ol kotjes mo ol atlites tu,hemia hemi festaem eva we Vanuatu Sports hemi winim 3 medal long Arafura Games,ufala I no ting taon from hemia hemi festaem blong yufala,yufala I mas ting hae,yufala I brekem wan doa finis nao blong Vanuatu Sports,I semak long Common Wealth Games last yia,para sport taem Friana  hemi winm fes bronse mo  tu beach volleyball hemi kam bak blong winim seken bronse blong Vanuatu sports,Vanuatu Paralympic Committee hemi kat wan gudfala lidaship mo yufala I kat moa opotunity I stap yet olsem Tokyo Paralympics nekis yia,mo fulap moa so long bihaf blong Vasanoc,mo sports commision,well done,awesome, awesome wetem wanem we I stap happen naoia bae yufala winim moa sports blong winim medal.”

President blong Vanuatu Paralympic Committee hemi kam bak blong talem toktok tankio blong hem I ko long ol sponsa’s blong olgeta we I kat,Bred Bank,Asco Motors,kavman blong Vanuatu,Azure pure water,Credit Cooperation,Kiwanis club blong save supotem team I ko taon long Arafura Games long Darwine Australia.

(0) comments

Welcome to the discussion.

Keep it Clean. Please avoid obscene, vulgar, lewd, racist or sexually-oriented language.
PLEASE TURN OFF YOUR CAPS LOCK.
Don't Threaten. Threats of harming another person will not be tolerated.
Be Truthful. Don't knowingly lie about anyone or anything.
Be Nice. No racism, sexism or any sort of -ism that is degrading to another person.
Be Proactive. Use the 'Report' link on each comment to let us know of abusive posts.
Share with Us. We'd love to hear eyewitness accounts, the history behind an article.