Vanuatu I Tekem Pat Long AIBA Intenasonal Kongres Long Russia

VABA Kodineta Kapalu wetem wan wol hevi weit jampion blong 75kg long Russia

Vanuatu hemi joinem 163 kaontry raon long wol blong tekem pat long AIBA (Amata Boxing Asosiesen)internasonal kongress long Russia las wik.

Hemi fes taem we Vanuatu hemi tekem pat long intenasonal kongress olsem,mo hemi festaem tu we Vanuatu hemi joinem 163 kaontry ia blong save votem niufala AIBA Presiden.

Vincent Kapalu, we hemi stap olsem kodineta blong Vanuatu Amata Boxing Asosiesen (VABA),hem nao i representem Vanuatu long bikfala kongress ia long Russia. Long inteviu blong hem wetem Daily Sports hemi talem se “Vanuatu hemi pat wetem ol narafala kaontry blong jenisim sam long loa mo rule blong boxing, we long fiuja i kam bae ol yangfala boxa blong yumi bae oli save usum long ol tunamen. I kat 8 rule we oli putum inples bakeken long kongress ia, yumi amendem 7 rul mekem yumi kat wan totol blong 15 rul evriwan naoia.”

Vanuatu hemi bin tekem pat tu long mini kongress long Dubai sam yia i pas,we i lukim presiden blong VABA Jacque Mariango Nauka hemi bin tekem pat long mini kongres ia blong oli lukluk long ol developmen blong boxing raon long wol be i no kat voting. Wetem intenasonal kongres nao voting i tekem ples mo lukluk long jenis blong olgeta niufala rul mo loa blong boxing.

Long taem blong kongress ia, Mr Kapalu hemi fojunet blong save mitim wan long ol wol hevi weit jampion blong 75kg we hemi bin fait wetem Anthony Joshua, wol boxing jampion.

“ Hemi wan janis blong mi tu blong save mitim sam long ol wol boxer jampion, from fulap taem yumi stap watjem nomo long tv mo ridim long niuspepa,” Kapalu hemi talem.

“Be i gud we mi save hakem olgeta mo storian, laf tugeta,mo olgeta i enkarejem yumi plante long Vanuatu.taem mi stap toktok wetem jampion ia. Hemi bin talem se hemi interest tumas long ol boxa blong Vanuatu mo long sem taem mi kat janis tu blong save toktok wetem kotj mo presiden blong boxing long Cuba, mo hemi bin askem mi blong yumi save karem wan gudfala kotj blong save kam trenem ol boxa blong yumi long Vanuatu,from ol boxa blong yumi oli kat paoa be teknik nao oli nidim.”

Wetem intenasonal kongress long Russia, Vanuatu hemi joinem 163 kaontry blong votem intenasonal president we hemi AIBA Presiden Gafur Rahimof, wan foma boxa mo semtaem wan kotj.

Kapalu i talem tu se boxing long Vanuatu i kro pikwan long Van-2017 mini games taem majority blong ol boxa blong Vanuatu oli karem ol medel. Naoia yumi stap kam long en blong yia be nekis yia i kat plante moa activiti, i kat nasonal kem long Tafea mo Samoa kem.

Kapalu i stap invaitem ol kel/woman we oli intres long boxing blong oli save save joinem ol klab blong boxing raon long Port Vila,Shefa,Tafea,Luganvile/Sanma,Torba mo Malampa blong save joinem olgeta klab mo ol klab ia oli mas afiliet wetem VABA blong save pripea from from 2020.

Folem olgeta wok we VABA hemi stap mekem long yia ia kasem long nekis yia, i kat wan invitesen i kam finis bae i kat wan tim blong 2 kel mo 2 boe we bae seleksen bae i bes long weit katekori mo bae oli travel i ko long Samoa 2019 Pacific Games.

Wetem hemia, Kapalu hemi konkludum se VABA hemi redi finis blong save rikrutum ol kel blong ko tekem pat long Samoa 2019.

(0) comments

Welcome to the discussion.

Keep it Clean. Please avoid obscene, vulgar, lewd, racist or sexually-oriented language.
PLEASE TURN OFF YOUR CAPS LOCK.
Don't Threaten. Threats of harming another person will not be tolerated.
Be Truthful. Don't knowingly lie about anyone or anything.
Be Nice. No racism, sexism or any sort of -ism that is degrading to another person.
Be Proactive. Use the 'Report' link on each comment to let us know of abusive posts.
Share with Us. We'd love to hear eyewitness accounts, the history behind an article.