Athletics

2017 Pacific Mini Games 800M Gold Medalist Valentine Helo

By Raymond Nasse

Athletics Vanuatu i stap invitem eni yangfala we i stap long community o long church, school age grup stat long 14 yia i go antap blong attendem trening bageken long Korman stadium from preperesen tuwods Meleniasian Championship mo Youth Olympic trial, we bambae Vanuatu i hostem long manis May namba 9 kasem 11.

Taem ya bambae hemi gudfala opotiuniti blong Vanuatu i filem in bigfala namba blong athletics tim blong Vanuatu i save toppem medal tally, long taem blong Melanesian Championship.

Presa i stap finis long Vanuatu blong pefom, from naoia Vanuatu i soem finis se long taem blong Pacific Mini Games se yumi save kompit wetem Fiji mo Papua New Guinea wetem New Caledonia wetem 26 medals we athletics i bin winim, mo lukluk i stap se bambae Vanuatu i save mentenem o go moa long hemia o nogat, long taem blong Melanesan Championships.

Sapos eni athletes wea i no sua long event blong hem, bambae i gat olgeta top lokol koj oli stap oltaem long Korman Stadium blong assistim olgeta athlete we oli gat kwesten.

Athletics Vanuatu i talem se taem blong trening hemi 4pm i go kasem 6pm everi dei long Mande kasem Faede,

Athletics Vanuatu i stressem impotens blong olgeta klab oli mas pem afiliesen fee blong olgeta nekis manis, long wan stret deit we bambae oli jas anaonsem iet, we bambae i luk i gat wan Athletics Forum we Athletics Vanuatu mo Oceania Athletics bambae oli ranem.

“From Vanuatu bambae hemi hostem fes taem eva Melanesian Championship, i propa nomo blong yumi givim wan gudfala jalenj mo hostem wan tunamen we bambae i jenisim histri blong Athletics long Vanuatu,” Athletics President, Rex Issachar i talem.

“Fiji nomo oltaem hemi stap hostem olgeta bigfala athletics ivent, be long yia ia hemi festaem we bambae hemi hostem, mo i gud yumi soemaot se yumi disevem blong hostem.”

Raymond Nasse

Sports Editor

raymond@dailypost.vu

(0) comments

Welcome to the discussion.

Keep it Clean. Please avoid obscene, vulgar, lewd, racist or sexually-oriented language.
PLEASE TURN OFF YOUR CAPS LOCK.
Don't Threaten. Threats of harming another person will not be tolerated.
Be Truthful. Don't knowingly lie about anyone or anything.
Be Nice. No racism, sexism or any sort of -ism that is degrading to another person.
Be Proactive. Use the 'Report' link on each comment to let us know of abusive posts.
Share with Us. We'd love to hear eyewitness accounts, the history behind an article.